30.04.2026 | 13:54
Մուստաֆաևի` Ջուջևան այցելելու հարց չի քննարկվել. Փաշինյան․ ՏԵՍԱՆՅՈՒԹ
Թուրքիան Իրանի հետ սահմանին 182 կմ-ոց անվտանգային պատ է կառուցել
Քաղաքականություն
07.02.2025 | 19:14
Թուրքիա-Իրան սահմանային անվտանգությունն ապահովելու, ապօրինի սահմանհատումները, մաքսանենգությունը և ահաբեկիչների ներթափանցումը կանխելու նպատակով Վանի հատվածից անվտանգային պատի 182 կիլոմետրանոց հատվածի կառուցումն ավարտվել է։ Այս մասին հայտնում են թուրքական լրատվամիջոցները։
Նշվում է, որ Թուրքիայի և Իրանի սահմանին անվտանգությունն ուժեղացնելու նպատակով 2021 թվականին սկսված սահմանային պատի շինարարությունը շարունակվում է արագ տեմպերով։ Ավարտվել է պատի 182 կիլոմետրը, նախատեսվում է, որ այն 302 կիլոմետր ընդհանուր երկարություն է ունենալու:
Միաժամանակ, շարունակվում են նաև անվտանգության համար կարևոր նշանակություն ունեցող ճանապարհաշինական աշխատանքները։
Նշվում է, որ սահմանային պատերի անվտանգությունն ապահովելու համար օգտագործվում են տեխնոլոգիական բոլոր հնարավորությունները։ Մինչ օրս տեղադրվել է 103 աշտարակ։ Պատը նաև ծածկված է փշալարով՝ անցումը կանխելու համար: Աշտարակները հագեցած են բարձր լուծաչափով տեսախցիկներով, ինչը թույլ է տալիս շուրջօրյա հսկողություն իրականացնել:
Հաղորդվում է, որ Վանում՝ Իրանի հետ ամենաերկար սահմանն ունեցող տարածաշրջանում, անվտանգության միջոցառումները բարձրացվել են ամենաբարձր մակարդակի վրա։ Զրահատեխնիկայի կիրառմամբ պարեկությունն ապահովում է սահմանային գծի մշտական հսկողությունը։
Թարգմանությունը՝ Էմմա Չոբանյանի
