30.04.2026 | 11:17
Թրամփը սպառնում է կրճատել ամերիկյան զորքերի թիվը Գերմանիային
Իրանն ամիսների ընթացքում միջուկային ռումբ ստեղծելու միջոց է փնտրում․ ԱՄՆ հետախուզություն
Քաղաքականություն
04.02.2025 | 16:00
Իրանը մի քանի ամսվա ընթացքում միջուկային զենք ստեղծելու միջոց է փնտրում, այլ ոչ թե մեկ կամ ավելի տարում: Նման եզրակացության է եկել ԱՄՆ հետախուզությունը, New York Times-ին (NYT) հայտնել են խնդրին ծանոթ աղբյուրները։
Ըստ աղբյուրների՝ իրանցի ինժեներների և զենքի ստեղծման ոլորտի գիտնականների գաղտնի թիմն ուղիներ է մշակում Իրանի միջուկային վառելիքի աճող պաշարներն արագորեն զենքի վերածելու համար, եթե կառավարությունը պահանջի ավելի արագ ռումբ պատրաստել:
Միևնույն ժամանակ, ըստ NYT-ի աղբյուրների, Իրանի իշխանությունները դեռևս որոշում չեն կայացրել միջուկային զենք ստեղծելու վերաբերյալ, սակայն իրանցի զինվորականները լրջորեն ուսումնասիրում են «զսպման և պաշտպանության նոր տարբերակներ» Իսրայելի և ԱՄՆ-ի դեմ՝ երկրի տարածքին Իսրայելի հարվածներից հետո։
2018 թվականին ԱՄՆ նախագահ Դոնալդ Թրամփը հայտարարել էր Իրանի հետ միջուկային համաձայնագրից դուրս գալու մասին։ Դրանից հետո երկիրը վերսկսել է ուրանի արտադրությունը։ Այս պահին, ըստ NYT-ի, Թեհրանն ունի մինչև 60% հարստացված ուրան չորսից հինգ ռումբի համար։
Թարգմանությունը՝ Տաթև Ֆռանգյանի
