ՀՀ ՄԻՊ-ն անդրադարձել է Բաքվում ապօրինի ազատությունից զրկված բոլոր էթնիկ հայերի իրավունքներին առնչվող հարցերին

Լուրեր

12.05.2025 | 14:17
Այս իշխանությանը ևս պետք է ոստիկանություն, որը կկատարի ապօրինի հրամաններ. Կարապետյանց․ ՏԵՍԱՆՅՈՒԹ
12.05.2025 | 14:15
Հայաստանը և Չինաստանն այս պահին գտնվում են հարաբերությունների էական զարգացման փուլում․ Միրզոյանը՝ նորանշանակ դեսպանին
12.05.2025 | 14:10
Ծեծում էին, ասում՝ թող ձեռքերդ «կանդալենք». խոշտանգման ենթարկված տղամարդը մանրամասնում է․ ՏԵՍԱՆՅՈՒԹ
12.05.2025 | 14:06
 Տաթևը և Որոտանի կիրճը՝ Համաշխարհային ժառանգության անվանացանկի թեկնածու
12.05.2025 | 14:01
ՔՊ-ական պատգամավոր Հայկ Սարգսյանի ասուլիսը՝ զինծառայության համակարգի բարեփոխումների վերաբերյալ. ՈՒՂԻՂ
12.05.2025 | 13:56
Լեհաստանը ՌԴ-ին մեղադրել է Վարշավայի առևտրի կենտրոնի հրկիզման համար և հայտնել Կրակովում ռուսական հյուպատոսությունը փակելու մասին
12.05.2025 | 13:50
Ստացվում է՝ ոստիկանությունն արդարացնում է բռնությունը. փաստաբան Արա Ղարագյոզյան. ՏԵՍԱՆՅՈՒԹ
12.05.2025 | 13:46
Թմրամիջոց տեղադրող երիտասարդներ են ձերբակալվել․ ՆԳՆ
12.05.2025 | 13:40
Վարչապետն ասել է` պետք է կախել հրապարակից, եթե ընդդիմադիր մամուլին հետևենք. Հասմիկ Հակոբյան․ ՏԵՍԱՆՅՈՒԹ
12.05.2025 | 13:33
ԱՄՆ-ն ու Չինաստանը համաձայնության են եկել 90 օրով մաքսատուրքերը նվազեցնելու մասին
12.05.2025 | 13:28
Սերժ Սարգսյանի վերաբերյալ նոր քրեական գործ է ուղարկվել դատարան․ շոշափվում է նաև երկրորդ նախագահի որդու՝ Սեդրակ Քոչարյանի անունը
12.05.2025 | 13:22
Բանկային զեղծարարության հիմնական դերակատարները ՀՀ-ից դուրս են․ ՔԿ նախագահ. ՏԵՍԱՆՅՈՒԹ
12.05.2025 | 13:16
Փախուստի ընթացքում նետել էր ատրճանակն ու լիցքավորված պահեստատուփը. պարեկների բացահայտումը
12.05.2025 | 13:08
Արսեն Թորոսյանը և ՔՊ-ական մեկ ուրիշ պատգամավոր պատռել են նամակս. Ղազարյանը մանրամասներ ներկայացրեց․ ՏԵՍԱՆՅՈՒԹ
12.05.2025 | 12:59
Թեհրանը ձգտում է համաձայնության հասնել ԱՄՆ-ի հետ բանակցություններում և կշարունակի խաղաղ միջուկային ծրագիրը․ Իրանի նախագահ
Բոլորը

Մարդու իրավունքների պաշտպան Անահիտ Մանասյանն իր մանդատի շրջանակներում շարունակում է հետևել Ադրբեջանում ապօրինի ազատությունից զրկված բոլոր էթնիկ հայերի իրավունքներին առնչվող հարցերին՝ նկատի ունենալով մարդու իրավունքների համընդհանուր սկզբունքներն ու արժեքները պահպանելու կարևորությունը: Այդ մասին տեղեկացնում են  ՀՀ Մարդու իրավունքների պաշտպանի աշխատակազմից։

«Մարդու իրավունքների պաշտպան Անահիտ Մանասյանն իր մանդատի շրջանակներում շարունակում է հետևել Ադրբեջանում ապօրինի ազատությունից զրկված բոլոր էթնիկ հայերի իրավունքներին առնչվող հարցերին՝ նկատի ունենալով մարդու իրավունքների համընդհանուր սկզբունքներն ու արժեքները պահպանելու կարևորությունը:

Բաքվում ընթացող՝ նրանց վերաբերելի բոլոր գործընթացները տեղի են ունենում մարդու իրավունքների համընդհանուր սկզբունքների ու արժեքների, միջազգային իրավական չափանիշների կոպտագույն խախտումներով։

Պաշտպանի շարունակական մշտադիտարկումները վկայում են, որ նույնիսկ մինչև անձանց ապօրինի ազատությունից զրկելն Ադրբեջանում ամենաբարձր մակարդակով նրանց արդեն իսկ պիտակավորում էին որպես «հանցագործ»: Ավելին, ադրբեջանական մեդիա տիրույթում և սոցիալական հարթակներում շարունակվում են լայնորեն տարածվել նշված անձանց ուղղված ատելություն ու թշնամանք պարունակող վիրավորանքներ, հայերին սպանելու, բռնության կոչեր և հայերի նկատմամբ խորքային ատելություն:

Ակնհայտ է, որ պետության կողմից հովանավորվող էթնիկ ատելության քարոզի և անմեղության կանխավարկածի խախտման պայմաններում Բաքվում ընթացող, այսպես կոչված, «դատավարությունները» հակասում են արդար դատաքննության իրավունքի պահանջներին, և չեն կարող դիտարկվել որպես արդար և անկողմնակալ դատարանի կողմից իրականացվող։ Այս գործընթացի ոչ իրավաչափ լինելու մասին մտահոգություններ են բարձրացնում տարբեր իրավապաշտպաններ, փաստաբաններ, հեղինակավոր միջազգային դերակատարներ:

Արդար դատաքննության իրավունքն ամրագրված է միջազգային իրավական մի շարք փաստաթղթերում։ Ընդ որում՝ նշված իրավունքի համատեքստում անմեղության կանխավարկածի սկզբունքի պահպանումը Մարդու իրավունքների եվրոպական դատարանի կողմից դիտարկվում է մի քանի հարթություններում, այդ թվում՝ պետական մարմինների և զանգվածային լրատվության միջոցների կողմից այդ սկզբունքի պահպանման անհրաժեշտության տեսանկյունից։

Տարբեր դերակատարների կողմից բարձրացված մտահոգությունները վկայում են նաև, որ քրեական հետապնդման ներքո գտնվող էթնիկ հայերը զրկված են արդար դատաքննության իրավունքի բաղադրատարր հանդիսացող դատավարական երաշխիքներից, այդ թվում՝ իրենց ընտրած պաշտպանի միջոցով արդյունավետ պաշտպանության և համապատասխան երաշխիքների առկայությամբ թարգմանչի օգնությունը ստանալու իրավունքներից։ Մարդու իրավունքների պաշտպանը կիսում է պաշտպանության իրավունքի արդյունավետ իրականացման հետ կապված մտահոգությունները:

Ավելին, ինչպես ՀՀ մարդու իրավունքների պաշտպանի, տարբեր իրավապաշտպան կազմակերպությունների, այնպես էլ միջազգային հեղինակավոր կառույցների զեկույցներում (օրինակ՝ «Human Rights Watch», ՄԱԿ-ի խոշտանգումների դեմ կոմիտե) պարբերաբար մտահոգություններ են ներկայացվել ազատությունից զրկված էթնիկ հայերի նկատմամբ խոշտանգումների և վատ վերաբերմունքի դրսևորումների առնչությամբ:

Մարդու իրավունքների պաշտպանն ընդգծում է, որ ոլորտում մանդատ ունեցող բոլոր դերակատարները, այդ թվում՝ միջազգային, պետք է շուտափույթ և պատշաճ քայլեր ձեռնարկեն խնդրի լուծման ուղղությամբ։ Պաշտպանն իր մանդատի ներքո շարունակում է հասցեագրել այս բոլոր խնդիրները մարդու իրավունքների պաշտպանության մանդատ ունեցող դերակատարներին»,- նշված է հայտարարության մեջ: