08.08.2026 | 11:24
Արթիկի դպրոցի հաշվապահը կատարել է առանձնապես խոշոր չափերի հափշտակություն. Հակակոռուպցիոն կոմիտե
Հնդկաստանը հուլիսին ՀՀ-ին կմատակարարի Akash համակարգերի երկրորդ խմբաքանակը
Քաղաքականություն
12.05.2025 | 10:57
Հնդկաստանը հուլիսին Հայաստան կուղարկի Akash զենթիահրթիռային համակարգերի երկրորդ խմբաքանակը։ Այս մասին հաղորդում է պաշտպանական ոլորտում մասնագիտացած հնդկական IADN-ը։
«Հնդկաստանը հուլիսին Հայաստան կուղարկի Akash համակարգերի երկրորդ խմբաքանակը»,- ասվում է պարբերականի X-ի գրառման մեջ։
Հնդկական IDRW-ն էլ հայտնում է, որ Հնդկաստանը տեղական արտադրության Akash S1 համակարգի երկրորդ խմբաքանակը Հայաստան կմատակարարի հուլիսից հետո՝ 2024թ․ նոյեմբերի առաջին համակարգի հաջող առաքումից հետո։ Նշվում է, որ այս ամենը 2022 վականին Հայաստանի հետ շուրջ 710 միլիոն դոլար արժողությամբ Akash տեսակի 15 համակարգերի գնման վերաբերյալ գործարքի մաս է կազմում և ամրապնդում է Հայաստանի հետ ռազմավարական գործընկերությունը։
Bharat Electronics Limited-ի և Bharat Dynamic Limited-ի կողմից արտադրվող Akash համակարգի յուրաքանչյուր մարտկոց ներառում է չորս արձակիչ, երեք հրթիռ և մեկ 3D ռադար՝ էլեկտրոնային սքանավորմամբ։ Նշվում է, որ այն բարձրացնում է Հայաստանի ՀՕՊ կարողությունները տարածաշրջանային սպառնալիքների, հատկապես, կործանիչների ու ԱԹՍ-ների դեմ։ Akash-ը երկիր-օդ դասի հրթիռ է, որը կարող է խոցել կործանիչներ, թևավոր հրթիռներ և օդ-երկիր դասի հրթիռներ, անօդաչու թռչող սարքեր և այլ օդային միջոցներ՝ մինչև 25 կիլոմետր հեռավորության վրա։
Լրատվամիջոցը գրում է նաև, որ արտահանման տարբերակը մի փոքր տարբերվում է Հնդկաստանի զինված ուժերին մատակարարված տարբերակից ու հարմարեցված է Հայաստանի կարիքներին։ Ա
Հիշեցնենք, որ հնդկական լրատվամիջոցները 2024 թվականի նոյեմբերին հայտնել էին Akash համակարգերի առաջին խմբաքանակը Հայաստանին մատակարարելու մասին։ ՀՀ-ն առաջին օտարերկրյա երկիրն է, որը գնել է այս հրթիռային համակարգը։
Թարգմանությունը՝ Էմմա Չոբանյանի
