27.10.2026 | 14:42
Զանգվածային բախում՝ Թուրքիայի առաջնության կենտրոնական խաղում. ՏԵՍԱՆՅՈՒԹ
Հնդկաստանը ՀՀ-ին Akash ՀՕՊ համակարգի առաջին մարտկոցն է առաքել․ The New Indian Express
Քաղաքականություն
12.11.2024 | 14:17
Հնդկաստանը նշում է իր պաշտպանական արտահանման ևս մեկ կարևոր իրադարձություն՝ Հայաստան առաքելով Akash զենքի համակարգի առաջին մարտկոցը: Սա արտահանվող երկրորդ հրթիռային համակարգն է, գրում է The New Indian Express-ը։
Պաշտպանական հետազոտությունների և զարգացման կազմակերպության կողմից մշակված Akash համակարգը «երկիր-օդ» հրթիռ է (SAM), որը կարող է խոցել այնպիսի թիրախներ, ինչպիսիք են կործանիչները, հրթիռները, անօդաչու սարքերը և այլ օդային միջոցներ մինչև 25 կմ հեռավորության վրա։
Bharat Electronics Limited-ի (BEL) կողմից արտադրված Akash զինատեսակային համակարգի յուրաքանչյուր մարտկոց ուղեկցվում է մեկ Rajendra 3D էլեկտրոնային սքանավորվող ռադարով և չորս արձակիչով, յուրաքանչյուրը՝ երեք հրթիռով, որոնք բոլորը փոխկապակցված են:
Հնդկաստանի Պաշտպանության նախարարության պաշտպանական արտադրության քարտուղար Սանջեև Կումարը հայտարարել է, որ «Akash զենքի համակարգի առաջին մարտկոցն ուղարկել է բարեկամ օտար երկիր»։
«Այս զարգացումն արտացոլում է Հնդկաստանի աճող կարողությունները պաշտպանական տեխնոլոգիաների և արտադրության ոլորտում»,- նշում է Bharat Electronics Limited-ը։
2022 թվականին Հայաստանը պայմանագիր է կնքել Հնդկաստանի հետ 15 Akash հրթիռային համակարգերի ձեռքբերման վերաբերյալ։ Հայաստանը դարձել է առաջին օտարերկրյա երկիրը, որը գնել է այս հրթիռային համակարգը։
Թարգմանությունը՝ Էմմա Չոբանյանի
