08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
Փախուստի ընթացքում նետել էր ատրճանակն ու լիցքավորված պահեստատուփը. պարեկների բացահայտումը
Հասարակություն
12.05.2025 | 13:16
ՆԳՆ ոստիկանության Պարեկային ծառայության գնդի 1-ին գումարտակի պարեկները մայիսի 8-ի գիշերը՝ ժամը 3.40-ին, Տիգրան Մեծի պողոտայի և Նար-Դոսի փողոցի խաչմերուկում փորձել են կանգնեցնել անկանոն ընթացող «Նիսան» մակնիշի մեքենան, սակայն վարորդը չի ենթարկվել «կանգ առ» ազդանշանին: Երվանդ Քոչարի փողոցում մեքենան կանգնել է, և ուղևորն իջնելով մեքենայից՝ դիմել է փախուստի՝ այդ ընթացքում նետելով «ՏՏ» ատրճանակի նմանվող առարկա և փամփուշտներով լիցքավորված պահեստատուփ․ տեղեկացնում են ՆԳՆ ՓԾ-ից
Վարորդը և ուղևորը ձերբակալվել և տեղափոխվել են Համայնքային ոստիկանության Մարաշի բաժին, որտեղ պարզվել է, որ 38-ամյա վարորդը Դիլիջանի բնակիչ է, իսկ 30-ամյա ուղևորը՝ Երևանի:
Ավտոմեքենան տեղափոխվել է Կենտրոնական բաժնի պահպանվող հատուկ տարածք։
Կազմված փաստաթղթերը փոխանցվել են քննչական բաժին:
