05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ստացվում է՝ ոստիկանությունն արդարացնում է բռնությունը. փաստաբան Արա Ղարագյոզյան. ՏԵՍԱՆՅՈՒԹ
Հասարակություն
12.05.2025 | 13:50
«Նման դեպքերը ոստիկանության անպատժելիության հետևանքով են շարունակվում»,- հրավիրված մամուլի ասուլիսի ժամանակ ասաց փաստաբան Արա Ղարագյոզյանը՝ անդրադառնալով խոշտանգման հերթական ահազանգին։
Հիշեցնենք՝ տուժող Սերգեյ Աբրահամյանի խոսքով ապրիլի 29-ին մի խումբ ոստիկաններ ներխուժել են իր տուն, կնոջ աչքի առաջ ծեծի ենթարկել իրեն, ապա տարել ոստիկանության բաժին, որտեղ «սկոչել» են բերանը և բռնությունն ավելի դաժան ձևով շարունակել։
«Այստեղ ոչ միայն խոշտանգման, այլև արժանապատվությունը նվաստացնող տարրեր կան։ Որևէ պատճառ չի եղել անձի նկատմամբ բռնություն գործադրելու, քանի որ հրապարակված տեսանյութերից պարզ է դառնում, որ Սերգեյը չէր դիմադրում և պատրաստակամ էր ոստիկանների հետ բաժին գնալու»,- նշում է Ղարագյոզյանը։
Փաստաբանն անդրադարձավ նաև ՆԳՆ մամուլի քարտուղար Նարեկ Սարգսյանի պարզաբանմանը, որտեղ նշվում է, թե անձը դրսևորել է ոչ պատշաճ վարք և չի ենթարկվել ոստիկաններին պահանջներին.
«Ոստիկանության խոսնակը չի կարող անպատասխանատու հայտարարություններ կատարել։ Նոր էր հրապարակվել տեսանյութը, դեռ քննչական գործողություններ չէին կատարվել, սակայն ոստիկանությունը շուտափույթ արդարացում է տարածում։ Ստացվում է՝ ոստիկանությունն արդարացնում է բռնությունը»։
Մանրամասները՝ տեսանյութում։
