22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Ադրբեջանի ՊՆ զորամասերում զինծառայողների հետ հանդիպումների սահմանափակումներ են մտցվել
Քաղաքականություն
16.01.2025 | 16:54
Ադրբեջանի Պաշտպանության նախարարության զորամասերում զինծառայողների հետ հանդիպումների ժամանակավոր սահմանափակումներ են մտցվել։
«Ձմեռային ժամանակահատվածում օդի ջերմաստիճանի նվազման պատճառով վերջին օրերին Ադրբեջանում նկատվում է սեզոնային շնչառական վիրուսային վարակների դեպքերի աճ։ Ադապտացիոն շրջան անցնող նորակոչիկների առողջությունը պահպանելու նպատակով ժամանակավոր սահմանափակումներ են մտցվել զորամասերում նրանց հետ հանդիպումների համար»,- ասվում է Ադրբեջանի ՊՆ հաղորդագրության մեջ։
Նշվում է, որ զորամասերում փակ ռեժիմը և հանրության հետ շփման սահմանափակումները թույլ են տալիս հրամանատարական կազմին և ռազմաբժշկական անձնակազմին արդյունավետ կանխարգելիչ միջոցառումներ իրականացնել՝ պաշտպանելու զինծառայողների առողջությունը:
«Հաշվի առնելով շնչառական վարակների դեպքերի կանխարգելմանն ուղղված միջոցառումների արդյունավետությունը՝ հանրությանը խնդրում ենք ուշադիր լինել մեր զինծառայողների առողջության նկատմամբ, ըմբռնումով մոտենալ նշված սահմանափակմանը և չայցելել զորամասեր»,- ասվում է հաղորդագրությունում։
Թարգմանությունը՝ Էմմա Չոբանյանի
