07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
ԱՄՆ-ն աշխատում է Սիրիայում Թուրքիայի հարձակումը կանխելու ուղղությամբ․ Բլինքեն
Քաղաքականություն
09.01.2025 | 13:55
ԱՄՆ պետքարտուղար Էնթոնի Բլինքենը հայտարարել է, որ Վաշինգտոնն աշխատում է Սիրիայում Թուրքիայի մտահոգությունները լուծելու ուղղությամբ՝ ՆԱՏՕ-ի դաշնակցին հետ պահելու քուրդ զինյալների դեմ հարձակումը սրելուց, գրում է AFP-ը։
Բլինքենն ասել է, որ Թուրքիան «օրինական մտահոգություններ» ունի Սիրիայում PKK-ի զինյալների վերաբերյալ, և Բաշար Ասադի տապալումից հետո կոչ է արել երկրում որոշում կայացնել, որը կներառի «օտարերկրյա ահաբեկիչ գրոհայինների» դուրսբերումը:
«Դա գործընթաց է, որը որոշ ժամանակ կպահանջի, միաժամանակ, այն, ինչը սկզբունքորեն չի համապատասխանում այն ամեն դրականին, ինչ տեսնում ենք Սիրիայում, հակամարտություն կլինի և մենք շատ ջանասիրաբար կաշխատենք, որպեսզի դա տեղի չունենա»,- ասել է Բլինքենը Փարիզում լրագրողների հետ զրույցում։
Թուրքիան սպառնում է հարձակվել Սիրիայի դեմոկրատական ուժերի (SDF) դեմ՝ PKK-ի զինյալներին ոչնչացնելու նպատակով։ Քրդերի գլխավորած SDF-ը վերջին տասնամյակում աշխատում է Միացյալ Նահանգների հետ՝ պայքարելու ԻԼԻՊ-ի դեմ։
Բլինքենն ասել է, որ ակնկալում է՝ Դոնալդ Թրամփի վարչակազմը նույնպես «շատ մեծ շահագրգռվածություն» կցուցաբերի՝ երաշխավորելու, որ «Իսլամական պետություն»-ը «նորից չի բարձրացնի գլուխը»:
«Դրա կարևոր մասն այն է, որ մենք կարողանանք Սիրիայի դեմոկրատական ուժերին հնարավորություն տալ անել այն աշխատանքը, որը նրանք անում էին»,- հայտարարել է նա:
Թարգմանությունը՝ Էմմա Չոբանյանի
