07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Իրանական Արդեբիլում ավարտվել են Իրանի և Ադրբեջանի համատեղ զորավարժությունները
Քաղաքականություն
28.11.2024 | 17:26
Իրանական Արդեբիլ նահանգում Ասլանդուզ բնակավայրի մոտ անցկացված «Արազ-2024» համատեղ մարտավարական զորավարժությունները՝ Ադրբեջանի բանակի ցամաքային զորքերի հատուկ ստորաբաժանումների և Իրանի Իսլամական հեղափոխության պահապանների կորպուսի (ԻՀՊԿ) ցամաքային զորքերի մասնակցությամբ, ավարտվել են։
Ադրբեջանի ՊՆ-ի հաղորդմամբ՝ զորավարժությունների հիմնական փուլի ընթացքում անօդաչու թռչող սարքեր (ԱԹՍ) են կիրառվել՝ ապօրինի զինված խմբավորումների գտնվելու վայրը, գործողությունների ուղղությունները և պատրաստվածության վիճակը որոշելու համար, իրականացվել են ռադիոէլեկտրոնային պայքարի և ռադիոէլեկտրոնային հետախուզության միջոցառումներ։
Նշվում է, որ հայտնաբերվել են պայմանական հակառակորդի դիրքերը և ոչնչացվել հրետանային կրակով ու անօդաչու թռչող սարքերի կիրառմամբ։
Բացի այդ, զինվորականները բարձր ճշգրտությամբ իրականացրել են հակառակորդի կենդանի ուժի չեզոքացման առաջադրանքներ։ Զորավարժությունների արդյունքներով մի խումբ աչքի ընկած զինվորականներ պարգևատրվել են։
Թարգմանությունը՝ Էմմա Չոբանյանի
