27.12.2024 | 15:10
Ադրբեջանը դադարեցնում է ՌԴ մի շարք քաղաքներ թռիչքները
Իրանն ու Ադրբեջանը քառօրյա համատեղ զորավարժություններ են սկսել
Քաղաքականություն
25.11.2024 | 13:55
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ իր ցամաքային ուժերը երկրի հյուսիս-արևմուտքում համատեղ զորավարժություններ են սկսել Ադրբեջանի բանակի հետ, գրում է IRNA գործակալությունը։
ԻՀՊԿ-ի տարածած հայտարարության մեջ ասվում է, որ «Արազ համատեղ զորավարժություն» կոչվող քառօրյա վարժանքները սկսվել են նախօրեին։ Զորավարժությունն անցկացվում է Իսլամական հեղափոխության պահապանների կորպուսի ցամաքային զորքերի և Ադրբեջանի բանակի հատուկ նշանակության ստորաբաժանումների կողմից՝ Արդաբիլի նահանգի Ասլան Դուզ սահմանային շրջանում։
Հաղորդվում է, որ զորավարժությունների նպատակն է ամրապնդել երկու երկրների միջև կապերը և նրանց երկկողմ համագործակցությունն ապօրինի կազմակերպված զինված խմբավորումների դեմ պայքարում։ Վարժանքների նպատակն է նաև պաշտպանել ընդհանուր սահմանների անվտանգությունը, խթանել ռազմական հնարավորությունները և ընդլայնել պաշտպանական համագործակցությունը մարտավարական և օպերատիվ մակարդակներում։
Հիշեցնենք, որ այս տարվա նոյեմբերի սկզբին Կասպից ծովում՝ իրանական տարածքային ջրերում, Ադրբեջանի և Իրանի ռազմածովային ուժերի մի խումբ զինծառայողների և նավերի մասնակցությամբ անցկացվել էին «AZIREX-2024» համատեղ մարտավարական զորավարժությունները։
Թարգմանությունը՝ Էմմա Չոբանյանի
