07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Թուրքիայի ԱԳ նախարարը ողջունել է ՄՔԴ-ի կողմից Նեթանյահուի կալանքի որոշումը
Քաղաքականություն
22.11.2024 | 16:37
Թուրքիայի արտաքին գործերի նախարար Հաքան Ֆիդանը ողջունել է Միջազգային քրեական դատարանի որոշումը Իսրայելի վարչապետ Բենիամին Նեթանյահուի և պաշտպանության նախկին նախարար Յոավ Գալանտի կալանավորման օրդեր տրամադրելու մասին՝ այդ քայլը որակելով որպես «արդարության իրականացման առումով խոստումնալից»։
«Նեթանյահուի և Գալանտի նկատմամբ Միջազգային քրեական դատարանի կողմից հայտարարված կալանավորման օրդերը խոստումնալից է արդարադատության իրականացման առումով։ Այս որոշումը չափազանց կարևոր քայլ է պաղեստինցիների դեմ ցեղասպանություն իրականացրած իսրայելցի պաշտոնյաներին պատասխանատվության ենթարկելու առումով»,- գրել է Ֆիդանը X-ի իր միկրոբլոգում՝ հավելելով․
«Մենք կշարունակենք աշխատել միջազգային իրավունքի իրագործման ուղղությամբ՝ իր բոլոր ինստիտուտներով և ցեղասպանությունը պատժելու կանոններով: Սա մեր պարտավորությունն է ոչ միայն սպանված պաղեստինցիների, այլև բոլոր ճնշված ազգերի և ապագա սերունդների հանդեպ»։
Հիշեցնենք, որ ՄԱԿ-ի Միջազգային քրեական դատարանը Իսրայելի վարչապետ Բենիամին Նեթանյահուին, պաշտպանության նախկին նախարար Յոավ Գալանտին և ՀԱՄԱՍ-ի ռազմական ղեկավար Մուհամեդ Դեյֆին կալանավորելու օրդեր է տվել՝ մեղավոր ճանաչելով ռազմական հանցագործությունների և մարդկության դեմ կատարած հանցագործությունների մեջ։
Թարգմանությունը՝ Էմմա Չոբանյանի
