20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Հաջորդ տարի կունենանք համապարփակ զեկույց․ ՀՀ-ում մեկնարկում է ՏՀԶԿ/ՍԻԳՄԱ ծրագրի գնահատման գործընթաց
Քաղաքականություն
20.11.2024 | 18:09
Փոխվարչապետ Մհեր Գրիգորյանի, Հայաստանում ԵՄ պատվիրակության ղեկավար, դեսպան Վասիլիս Մարագոսի և ՏՀԶԿ/ՍԻԳՄԱ ծրագրի ղեկավար Գրեգոր Վիրանի մասնակցությամբ կայացել է ՏՀԶԿ/ՍԻԳՄԱ ծրագրի Հայաստանում պետական կառավարման ուղղությամբ առաջընթացի գնահատման գործընթացի մեկնարկին նվիրված միջոցառումը: Միջոցառմանը մասնակցել են պետական կառավարման համակարգի գերատեսչությունների ներկայացուցիչներ:
Փոխվարչապետը հանդես է եկել ողջույնի խոսքով, որի ընթացքում Կառավարության անունից շնորհակալություն է հայտնել Եվրոպական միությանը և Տնտեսական համագործակցության և զարգացման կազմակերպության ՍԻԳՄԱ ծրագրի թիմին այս առանցքային նախաձեռնությունը Հայաստանում իրականացնելու համար:
«Վստահ եմ, որ համատեղ աշխատանքի արդյունքում հաջորդ տարի կունենանք համապարփակ զեկույց, որը թույլ կտա բացահայտել խնդիրները, գնահատել մինչ օրս իրականացված աշխատանքի արդյունքներն ու ձեռքբերումները և ճշգրտել հանրային կառավարման բարեփոխումների շրջանակներում մեր առաջիկա անելիքները»,- ասել է Մհեր Գրիգորյանը:
Փոխվարչապետն ընդգծել է ՍԻԳՄԱ-ի գնահատման գործընթացում պետական կառավարման համակարգի բոլոր մարմիններին ակտիվ և նախաձեռնողական մասնակցության կարևորությունը:
