04.11.2026 | 09:46
4 մեքենայի բախման հետևանքով 9 մարդ է զոհվել, 3-ը՝ վիրավորվել
Հարավային Կորեան հետ է կանչում Ուկրաինայում իր դեսպանին
Քաղաքականություն
08.10.2026 | 16:36
Հարավային Կորեան որոշել է հետ կանչել Ուկրաինայում իր դեսպանին՝ Սեուլին հյուսիսկորեացի երկու ռազմագերիների փոխանցման մասին տեղեկատվությունը հրապարակելու պատճառով։
«Կառավարությունը որոշել է հետ կանչել Ուկրաինայում Կորեայի Հանրապետության դեսպանին։ Կառավարությունն ակնկալում է, որ երկու երկրների միջև առկա բոլոր խնդիրները բարեհաջող կկարգավորվեն, և այդ նպատակով կշարունակի խորհրդակցություններն ուկրաինական կողմի հետ»,- հայտարարել է Հարավային Կորեայի արտաքին գործերի նախարարությունը, գրում է BBC-ի ռուսական ծառայությունը։
Սեուլը կտրուկ էր արձագանքել այն հանգամանքին, որ Կիևը հրապարակել էր Հարավային Կորեային հյուսիսկորեացի երկու զինծառայողների փոխանցման մասին տեղեկությունը։ Նրանք կռվել են Ռուսաստանի կողմում և նախորդ տարվա սկզբին գերի էին ընկել Ուկրաինայում։ Հարավային Կորեայի իշխանությունները մտահոգված են, որ այժմ ռազմագերիների ընտանիքները կարող են թիրախ դառնալ Հյուսիսային Կորեայի իշխանությունների համար։
Այս շաբաթվա սկզբին Հարավային Կորեան հայտնել էր, որ Ուկրաինայից ներողություն է ստացել տեղեկատվության հրապարակման համար, սակայն Սեուլում այն համարել են անբավարար և խոստացել «վճռական միջոցներ» ձեռնարկել։
Հյուսիսկորեացի երկու զինծառայողներին Հարավային Կորեային փոխանցելու մասին Ուկրաինայի նախագահ Վլադիմիր Զելենսկին հայտարարել էր սեպտեմբերի 23-ին՝ ՄԱԿ-ի Գլխավոր վեհաժողովում ունեցած ելույթում։ Զելենսկիի խորհրդական Դմիտրի Լիտվինը նշել է, որ Կիևի և Սեուլի միջև տեղեկությունը գաղտնի պահելու վերաբերյալ պայմանավորվածություն չի եղել, և «սխալ կլիներ թաքցնել, թե այս կամ այն ռազմագերիներին ուր են տանում»։
Թարգմանությունը՝ Էմմա Չոբանյանի
Հարավային Կորեան «միջոցներ կձեռնարկի», եթե Կիևը ներողություն չխնդրի գերիների շուրջ սկանդալի պատճառով
