20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Երևանի ավագանու առաջիկա նիստի բոլոր հարցերը չզեկուցվող են
Տնտեսություն
15.11.2024 | 18:35
Երևանի ավագանու հերթական նիստը տեղի կունենա նոյեմբերի 19-ին։ Արդեն հրապարակվել է նիստի օրակարագը, որում ընդգրկված է 19 հարց։ Ուշագրավն այն է, որ բոլորը հարցերը չզեկուցվող են։
Հունվարի 1-ից ներդրվելու է միասնական տոմսային համակարգ և տրանսպորտից օգտվելու նոր սակագներ են գործելու։ Քաղաքային իշխանությունը հայտարարել է, որ սոցիալական որոշ խմբերի, օրինակ՝ ուսանողների, թոշակառուների համար կգործեն արտոնությունների փաթեթներ։ Քաղաքային իշխանությունը հայտարարել է, որ փաթեթները կներկայացվեն ավագանու առաջիկա նիստին։ Սակայն այս պահի դրությամբ հարցը դեռ ընդգրկված չէ նիստի օրակարգում քննարկվելիք հարցերի ցանկում։ Ավագանու իշխող ՔՊ խմբակցության ղեկավար Արմեն Գալջյանը Factor TV-ին կեսօրին փոխանցեց, որ փաթեթը դեռ մշակում են, ամենայն հավանականությամբ այն կընդգրկվի նիստի օրակարգ։
Հատկանշական է, որ տոմսային համակարգն ամբողջությամբ պիտի ներդրվեր սեպտեմբերից, նախագիծն ընդունվել էր ավագանու մարտի 12-ի նիստում․ այսինքն քաղաքային իշխանությունը 8 ամիս ժամանակ ուներ՝ փաթեթները մշակելու համար։
Հավելենք, որ քաղաքապետի խոսնակ Հայկ Կոստանյանը ֆեյսբուքում քիչ առաջ ներկայացրել է տրանսպորտից օգտվելու արտոնությունների փաթեթը և տեղեկացրել, որ այն քննարկվելու է ավագանու նոյեմբերի 19-ի նիստում։
Արփի Հակոբյան
