06.12.2025 | 17:21
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ալիևի օգնականը՝ մի շարք երկրների կողմից Բաքվում COP29-ը բոյկոտելու մասին
Քաղաքականություն
12.11.2024 | 13:05
Ադրբեջանի նախագահ Իլհամ Ալիևի օգնական Հիքմեթ Հաջիևն անդրադարձել է միջազգային տարբեր կազմակերպությունների ու երկրների կողմից Բաքվում անցկացվող COP29 կլիմայական համաժողովը բոյկոտելու հարցին։
«Ավելի քան 60 հազար օտարերկրացիներ ժամանել են Ադրբեջան՝ մասնակցելու COP29 կլիմայական համաժողովին, որն ամբողջությամբ հերքում է օտարերկրյա կազմակերպությունների կողմից այս միջոցառման ենթադրյալ բոյկոտի մասին հայտարարությունները»,- ասել է Հաջիևը։
Ըստ նրա՝ COP29-ին մասնակցելու համար, ընդհանուր առմամբ, գրանցվել է ավելի քան 70 հազար մարդ, որից ավելի քան 60 հազարն օտարերկրյա հյուրեր են։
«Դա ակնհայտորեն հերքում է COP29-ի բոյկոտի մասին հայտարարությունները: Բացի այդ, միջոցառումը լայնորեն լուսաբանվում է միջազգային ԶԼՄ-ների կողմից։ Այստեղ հավատարմագրված են լրատվամիջոցների ավելի քան 3 հազար ներկայացուցիչներ»,- ասել է նա։
Ինչ վերաբերում է քննադատություններին, որ Ադրբեջանը, որպես նավթային երկիր, ընդունում է COP29-ը, Հաջիևը նշել է․ «Գրեթե բոլոր երկրները, բացի Շվեյցարիայից, այս կամ այն ձևով եղել են հանածո վառելիք արտադրող երկրներ։ Ինչ վերաբերում է հանածո վառելիքին, եթե առաջարկ կա, կլինի նաև պահանջարկ: Կոնվենցիայի գրեթե բոլոր կողմերը հանածո վառելիքի սպառողներ են: Իհարկե, դա բացասաբար է անդրադառնում կլիմայի փոփոխության վրա։ Դրանից խուսափելու համար հարկավոր է միասին աշխատել և չներքաշվել ոչ էական քննարկումների մեջ»։
Հավելենք, որ Բաքվում ընթացող կլիմայական համաժողովը իր ծավալնորեով զիջում է նախորդ տարի Դուբայում անցկացված հավաքին։ Մի շարք խոշոր տերությունների ղեկավարներ չեն մասնակցում համաժողովին։
Թարգմանությունը՝ Էմմա Չոբանյանի
