07.10.2026 | 21:38
Ովքեր են ղեկավարում Սյունիքի համայնքները․ քաղաքական անցյալ, բիզնես կապեր և քրեական վարույթներ
Էրդողանն ակնարկել է 3-րդ ժամկետով նախագահի պաշտոնում առաջադրվելու պատրաստակամության մասին
Քաղաքականություն
11.11.2024 | 22:24
Թուրքիայի նախագահ Ռեջեփ Թայիփ Էրդողանի ելույթը նախօրեի կառավարության նիստից հետո ընդունվել է որպես ղեկավարի նախագահի պաշտոնում ևս մեկ ժամկետով առաջադրվելու պատրաստակամության ազդանշան, գրում է Turkiye today-ը։
«Քանի դեռ աստված մեզ կյանք է շնորհում, և մեր ազգը համաձայն է, մենք կշարունակենք ծառայել Թուրքիային և մեր ազգին», – ասել է Թուրքիայի նախագահը։
Չնայած Էրդողանի հայտարարությունը սովորական է թվում, շատ հայտնի ընդդիմադիր լրագրողներ ենթադրում են, որ նա ակնարկում է հաջորդ ժամկետի անցնելու իր մտադրության մասին: Դա կախված է սահմանադրական փոփոխություններից, եթե երկրի խորհրդարանն արտահերթ ընտրություններ կնախաձեռնի:
Հիմնական ընդդիմադիր Ժողովրդահանրապետական կուսակցությունը (CHP) կտրականապես դեմ է սահմանադրական ցանկացած փոփոխության, որը կարող է ճանապարհ հարթել Էրդողանի իշխանության մեկ այլ ժամկետի համար:
Թուրքիայի նախագահի վստահելի անձանցից, երկրի խորհրդարանի նախագահ Նուման Քուրթուլմուշը նոյեմբերի 10-ին Էրդողանի հայտարարությունից անմիջապես առաջ հայտարարել էր․ «Այս պահին Թուրքիայում արտահերթ ընտրությունների օրակարգ չկա։ Էրդողանն իր պաշտոնում կծառայի մինչև 2028 թվականը»։
Ընդդիմադիր լրագրող Իսմայիլ Սայմազը մեկնաբանել է, որ Էրդողանի հայտարարությունը նշանակում է մեկ այլ ժամկետով առաջադրվելու մտադրություն։ Նա համոզված է, որ իրենց թեկնածությունների մասին պաշտոնապես կհայտարարեն նաև Ստամբուլի և Անկարայի ընդդիմադիր քաղաքապետեր Էքրեմ Իմամօղլուն ու Մանսուր Յավաշը։
Մեկ այլ ընդդիմադիր լրագրող Նևսին Մենգունը նշել է, որ Էրդողանի հայտարարությունը կարող է սահմանադրական փոփոխության մասին ակնարկ լինել, որը նրան կշնորհի ցմահ նախագահի կարգավիճակ:
Թարգմանությունը՝ Էմմա Չոբանյանի
