22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
ԵՄ 27 երկրների առաջնորդները կքննարկեն Վրաստանում հետընտրական իրավիճակը
Քաղաքականություն
07.11.2024 | 16:45
Հոկտեմբերի 26-ին անցկացված խորհրդարանական ընտրություններից հետո Վրաստանում ստեղծված իրավիճակը կքննարկվի Բուդապեշտում ԵՄ 27 երկրների ղեկավարների ոչ պաշտոնական հանդիպման ժամանակ։ Այս մասին հայտարարել է Եվրոպական խորհրդի ղեկավար Շառլ Միշելը։
«Մենք կվերանայենք նաև Վրաստանում ստեղծված իրավիճակը ընտրություններից հետո և կքննարկենք հետագա անելիքները»,- ասվում է Միշելի հրավերի նամակում։
Այսօր երեկոյան ԵՄ անդամ երկրների ղեկավարները կհանդիպեն ընթրիքի շրջանակում։ Այն մեծ մասամբ նվիրված է լինելու ԱՄՆ ընտրությունների թեմային։ Անդրատլանտյան հարաբերությունների հարցերը կդիտարկվեն Դոնալդ Թրամփի վերադարձի համատեքստում։
Պաշտոնական օրակարգի շուրջ քննարկումները կշարունակվեն նոյեմբերի 8-ին։
Այսօր Բուդապեշտում տեղի կունենա նաև Եվրոպական քաղաքական համայնքի գագաթնաժողովը։ Դրան կմասնակցեն 47 պետությունների ղեկավարներ, այդ թվում՝ Վրաստանից։
Գագաթնաժողովի ժամանակ խոսվելու է Ուկրաինայի դեմ Ռուսաստանի ագրեսիվ պատերազմի, Մերձավոր Արևելքում էսկալացիայի, անօրինական միգրացիայի և տնտեսական անվտանգության խնդիրների մասին։
Թարգմանությունը՝ Տաթև Ֆռանգյանի
