22.06.2026 | 11:55
Խնդիրներ են ստեղծում խցանումների հետ կապված. ինտենսիվ պետք է աշխատենք. Ավինյան․ ՏԵՍԱՆՅՈՒԹ
Թուրքիայում նավթավերամշակման գործարանում պայթյուն է տեղի ունեցել․ վիրավորներ կան
Քաղաքականություն
05.11.2024 | 20:29
Թուրքիայում Քոջաելիի մարզկենտրոն Իզմիթ քաղաքում գտնվող նավթավերամշակման գործարանում (TÜPRAŞ) պայթյուն է որոտացել, ինչից հետո տարածքից ծուխ է նկատվել։ Դեպքի վայր են ուղարկվել բազմաթիվ շտապօգնության մեքենաներ և հրշեջներ, գրում է Birgun-ը։
Համացանցում պատահարի վայրից կադրեր են հրապարակվում։
Միջադեպի առնչությամբ Քոջաելիի քաղաքապետ Թահիր Բույուքաքընը հայտարարել է, որ TÜPRAŞ-ում զորավարժություն է անցկացվել, և որ պայթյունը տեղի է ունեցել վարժանքների ընթացքում գրանցված բացասական ազդեցության հետևանքով։
TÜPRAŞ-ի հայտարարության մեջ էլ ասվում է, որ կոմպրեսորների սպասարկման աշխատանքի ժամանակ բռնկված հրդեհն այժմ վերահսկողության տակ է, նավթավերամշակման գործարանում մյուս աշխատանքները շարունակվում են։
Նշվում է, որ գործարանի կոմպրեսորների սպասարկման աշխատանքի ժամանակ հրդեհը բռնկվել է ժամը 13։30-ի սահմաններում։ Նախնական տվյալներով՝ 12 աշխատակիցներ թեթև վնասվածքներ են ստացել, որոնք տեղափոխվել են հիվանդանոց՝ բժշկական հետազոտման։
Թարգմանությունը՝ Էմմա Չոբանյանի
