28.10.2024 | 16:30
Ընդդիմությունը փողոց է դուրս գալիս․ ըստ դիտորդների՝ Վրաստանում ընտրություններն անցել են խախտումներով․ ՏԵՍԱՆՅՈՒԹ
ԻՀՊԿ հրամանատարն Իսրայելին զգուշացրել է՝ Իրանի վրա հարձակմանը «դառը հետևանքներ» են լինելու
Քաղաքականություն
28.10.2024 | 12:17
Իրանի Իսլամական հեղափոխության պահապանների կորպուսի (ԻՀՊԿ) գլխավոր հրամանատար, գեներալ-մայոր Հոսեյն Սալամին նախազգուշացրել է Իսրայելին, որ «դառը հետևանքներ» են սպասվում իրանական ռազմական օբյեկտների վրա հարձակումից հետո։ Այս մասին գրում է AFP-ն՝ վկայակոչելով տեղական լրատվամիջոցներին:
Նա, մասնավորապես, նշել է, որ Իսրայելին «չի հաջողվել հասնել իր չարագուշակ նպատակներին» շաբաթ օրը օդային հարձակումների ժամանակ՝ դա անվանելով «սխալ հաշվարկի և անօգնականության» նշան։ Սալամին նախազգուշացրել է, որ «դրա դառը հետևանքներն աներևակայելի կլինեն» Իսրայելի համար, մինչ նա կռվում է Գազայում և Լիբանանում:
Հավելենք, որ Իսրայելի գործողություններին ի պատասխան՝ Իրանը հայտարարել է, որ երկրի հակաօդային պաշտպանությունը հաջողությամբ դիմակայել է իսրայելական հարձակմանը: Թեհրանը նաև հայտնել է իսրայելական հարձակման հետևանքով 4 զինծառայողի զոհվելու մասին։
Թարգմանությունը՝ Էմմա Չոբանյանի
