11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Պեսկովը հայտարարել է, թե ՀԱՊԿ-ից ՀՀ ինքնիշխանության համար որևէ սպառնալիք չկա
Քաղաքականություն
18.09.2024 | 15:46
Մոսկվան համաձայն չէ Հայաստանի վարչապետ Նիկոլ Փաշինյանի հետ ՀԱՊԿ-ի վերաբերյալ իր գնահատականում, կազմակերպությունը ՀՀ-ի համար վտանգ չի ներկայացնում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ պատասխանելով ՏԱՍՍ-ի հարցին։
«Խոսքը հարցերի մասին է, որոնք վերաբերում են Հայաստանի ինքնիշխան իրավունքներին։ Հայաստանն ինքն է ընտրում ռազմավարական, մարտավարական զարգացման ուղիները, սակայն, դրա հետ մեկտեղ, մենք կտրականապես համաձայն չենք պարոն Փաշինյանի հետ։ ՀԱՊԿ-ից չի կարող և չի բխում որևէ վտանգ, սպառնալիք Հայաստանի ինքնիշխանության համար, հակառակը, այդ կազմակերպությունը պաշտպանում է անդամ երկրների ինքնիշխանությունը»,- ասել է Պեսկովը։
Հիշեցնենք, որ այսօր ՀՀ վարչապետ Նիկոլ Փաշինյանը հայտարարել էր, որ ՀԱՊԿ-ը սպառնալիքներ է ստեղծում Հայաստանի անվտանգության ու հետագա գոյության համար։
Թարգմանությունը՝ Էմմա Չոբանյանի
