21.03.2026 | 14:44
«Ասում են` դերասանությամբ զբաղվի, մոտդ լավ ա ստացվում, բա ո՞վ քաղաքականությամբ զբաղվի, անբաննե՞րը». Մարության․ ՏԵՍԱՆՅՈՒԹ
Այսօր մենք հեռուստատեսություն, ըստ էության, չունենք. ապաքաղաքական զրույց Արմեն Ամիրյանի հետ. ՏԵՍԱՆՅՈՒԹ
Հաղորդաշարեր
08.09.2024 | 21:00
Factor TV-ի A-politic հաղորդաշարի հյուրն է հեռուստահաղորդավար, պրոդյուսեր Արմեն Ամիրյանը: Նա ունի իր բացատրությունը, թե ինչու հեռուստատեսությունում գնալով պակասում է լուրջ մշակութային բովանդակությունը: Ըստ հաղորդման հյուրի՝ հեռուստաընկերությունները ցանկանում են մրցակցության մեջ մտնել կայքերի հետ՝ հաղորդելով նույն տեսակի բովանդակություն, և քանի որ զուտ համացանցային արտադրության ինքնարժեքը զգալիորեն ավելի ցածր է, կայքերի արտադրանքը կոմերցիոն առումով հաղթում է:
Աղետի կամ վթարի տեսագրությունը, լուսանկարը սոցցանցում հայտնվում է ավելի շուտ, քան «դասական» հեռուստաեթերում: Այդպիսով, հեռուստատեսությունը պարտվում է նաև զուտ մշակութային դաշտում, քանի որ ստիպված է «պահանջարկ բավարարել»: Արդյունքում շատերի տներում հեռուստացույցը հանդես է գալիս զուտ որպես համացանցային բովանդակությունը ներկայացնող էկրան:
Արմեն Ամիրյանը բարձր է գնահատում 1970-80-ականների հայաստանյան հեռուստատեսությունը և ռադիոն, որտեղ ուժեղ էր մշակութային, ուսումնական, կրթական բաղադրիչը։ Հեռուստառադիոպետկոմի համակարգում կային, մասնավորապես, բազմաթիվ երաժշտական կոլեկտիվներ, որոնց մեծ մասը կատարում էր ազգային երաժշտություն: Այդպիսի քարոզչությունը, հաղորդման հյուրի կարծիքով, շատ բան է արել 1988-ի հասարակությունը նախապատրաստելու համար:
Մանրամասները՝ տեսանյութում:
Արամ Աբրահամյան
