02.10.2026 | 14:52
7 ամսում Հայաստանում ծնվել է 17 հազար 96 երեխա․ ծնելիությունը նվազել է 2.4%-ով
Մեսին դարձել է իսպանական ակումբի սեփականատեր
02.10.2026 | 13:42
MLS-ի չեմպիան ամերիկյան «Ինտեր Մայամիի» արգենտինացի հարձակվող Լիոնել Մեսին դարձել է ֆուտբոլի Իսպանիայի Սեգունդայում հանդես եկող «Դեպորտիվո Էլդենսե» ակումբի սեփականատերը, հաղորդում է ակումբի մամուլի ծառայությունը:
««Դեպորտիվո Էլդենսեն» պաշտոնապես հայտնում է, որ Լիոնել Մեսին ձեռք է բերել ակումբը, ինչը նոր փուլ է ավելի քան 100-ամյա ակումբի պատմության մեջ։
Մեկնարկում է երկարաժամկետ նախագիծ, որն ուղղված է ակումբի մարզական, ինստիտուցիոնալ և սոցիալական զարգացմանը։
1921 թվականին հիմնադրված «Էլդենսեն» սկսում է հավակնություններով լի նոր փուլ պրոֆեսիոնալ ֆուտբոլում դիրքերն ամրապնդելու ու զարգանալու նպատակով՝ պահպանելով արմատները, պատմությունը և կապույտ-կարմիր գույները»,- նշված է ակումբի հաղորդագրությունում։
Սեգունդայի 7-րդ տուրից հետո «Էլդենսեն» 5 միավորով 19-րդ տեղում է։
Դավիթ Եղիազարյան
