02.10.2026 | 15:10
Ադրբեջանցի զինվորին կալանքի են տանում // «Հայաստան» դաշինքի պատգամավորի թեկնածու է ձերբակալվել․ ԼՈՒՐԵՐ
Գորիսում և Գավառում քաղաքացիական կամքի դաշինք ենք առաջարկում․ Մենուա Սողոմոնյան․ ՏԵՍԱՆՅՈՒԹ
Քաղաքականություն
02.10.2026 | 14:10
«Հայաքվե» քաղաքացիական նախաձեռնության անդամ Մենուա Սողոմոնյանը հայտնել է, որ Գորիս և Գավառ համայնքներում «Ապրելու քվե» դաշինքով ՏԻՄ ընտրություններին են մասնակցելու։ Դաշինքը ձևավորվել է «Հայկական քվե» և «Ապրելու երկիր» կուսակցությունների միավորմամբ։
Սողոմոնյանի խոսքով՝ գործող իշխանությունը թե՛ երկրի ներսում, թե՛ միջազգային հարթակներում առերեսվում է սեփական ոչ լեգիտիմ լինելու փաստին, ինչի հետևանքով ավելի է կոշտացնում պայքարը ժողովրդավարական ինստիտուտների դեմ։
Սողոմոնյանն ընդգծել է, որ ՏԻՄ ընտրություններում պետք է դուրս գալ «ծանոթ-բարեկամ» սոցիալական կապերի տրամաբանությունից և առաջնորդվել քաղաքացիական բարձր պատասխանատվությամբ․
«Մենք ձեզ առաջարկում ենք քաղաքացիական կամքի դաշինք: Դա նշանակում է, որ դուք, մեր օգտին քվեարկելով, արտահայտում եք ձեր անհնազանդությունը ալիև-փաշինյանական օրակարգին, իսկ մենք տեղերում ձևավորում ենք ժողովրդավարական վերահսկողության օջախներ»,- նշեց նա:
Անդրադառնալով վերջերս Թումանյան համայնքում կայացած ընտրություններին՝ նա մատնանշել է, որ այնտեղ ընդդիմությունը չմասնակցեց, և իշխող «Քաղաքացիական պայմանագիրը» ձևավորեց միանձնյա իշխանություն: Նույն պատկերն է նաև Գորիսում և Գավառում, որտեղ խորհրդարանական ընդդիմությունը չի մասնակցում ընտրապայքարին:
Մանրամասները՝ տեսանյութում։
Անի Թամրազյան
