22.11.2024 | 12:57
Կուրսկի շրջանում ուկրաինական հարվածի հետևանքով ԿԺԴՀ բանակի գեներալ է վիրավորվել.WSJ
102 հազար դոլար՝ բնական, 64 հազար դոլար՝ առանց փայտե պոչի ցախավելների համար․ Երևանը 130 հազար նոր ցախավել կունենա
Հասարակություն
06.09.2024 | 18:22
«Երևանի աղբահանություն և սանիտարական մաքրում» համայնքային հիմնարկը «Լուիզա Բեդախյան Ստեփանի» անհատ ձեռնարկատիրոջ հետ շուրջ 40 միլիոն դրամի պայմանագիր է կնքել՝ գնելով 100 հազար հատ բնական ցախավել։ Ցախավելներից յուրաքանչյուրը ձեռք է բերվել 400 դրամով։
Մեկ այլ պայմանագրով էլ համայնքային հիմնարկը «Սոֆյա Մանուկյան Բաբկենի» ԱՁ-ից շուրջ 25 մլն դրամով (մոտ 64 հազար դոլար) ձեռք է բերել 30 հազար հատ կեչու ցախավել «Գոստ» առանց փայտե պոչի: Ցախավելներից յուրաքանչյուրը ձեռք է բերվել 830 դրամով։ Factor.am-ը բազմամիլիոնանոց այս պայմանագրերին ծանոթացել է Armeps.am հարթակից:
Վերջերս էլ Factor.am-ը գրել էր, որ «Երևանի աղբահանություն և սանիտարական մաքրում» համայնքային հիմնարկը հայց է ներկայացրել Երևանի քաղաքացիական դատարան՝ պահանջելով անհատ ձեռնարկատեր Արթուր Անանյանին պարտավորեցնել վերադարձնել 2023 թվականի հոկտեմբերի 7-ին ի պահ հանձնված 60.000 հատ ցախավելները: Արթուր Անանյանը Factor.am-ի հետ զրույցում պնդել էր, որ ցախավելները վերադարձրել է հիմնարկ։
Կորել է 60 հազար հատ ցախավել․ Երևանի աղբահանության հիմնարկը դատական հայց է ներկայացրել
Վերջերս էլ «Երևանի աղբահանություն և սանիտարական մաքրում» համայնքային հիմնարկի տնօրեն Սաշա Կատվալյանը Factor TV-ի տաղավարում ասել էր, որ եթե ցախավելներ չգնեն, քաղաքը սանիտարական ճգնաժամի առաջ կկանգնի։
Արփի Հակոբյան
