11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուկրաինան հունվարի 1-ից կդադարեցնի ռուսական նավթի և գազի տարանցումը, սակայն պատրաստ է մատակարարումներ իրականացնել Ադրբեջանից կամ Ղազախստանից
Քաղաքականություն
30.08.2024 | 15:40
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը «Новини.Live»-ին տված հարցազրույցում հայտարարել է, որ 2025 թվականի հունվարի 1-ից Կիևը կդադարեցնի ռուսական գազի և նավթի տարանցումը Եվրոպա, սակայն պատրաստ է այն իրականացնել այլ երկրներից։
«Այո, դա կարող է լինել ևս մեկ տարանցիկ գազ, որը կգա, օրինակ, Կենտրոնական Ասիայի երկրներից։ Այսօր Եվրոպան դիվերսիֆիկացրել է նավթի և գազի մատակարարումները Ռուսաստանից։ ՌԴ-ն այլևս չի խաղում այն դերը, որը խաղում էր 10 կամ նույնիսկ 5 տարի առաջ Եվրոպայում։ Ավելին, հիշեցնեմ, որ բացի գազից՝ 2025 թվականի հունվարի 1-ից կդադարեցվի նաև «Դրուժբա» նավթատարի աշխատանքը։ Դրա միջոցով նավթ էին ստանում Սլովակիան, Չեխիան և մեր սիրելի Հունգարիան։ ԵՄ բանաձևի համաձայն՝ նրանք պետք է հնարավորություններ գտնեն դիվերսիֆիկացնելու նավթի մատակարարումները և դադարեցնելու ռուսական տարանցումն Ուկրաինայի տարածքով։ Նույնը վերաբերում է գազին»,- ասել է Պոդոլյակը։
Նրա խոսքով՝ եթե եվրոպական երկրներից մեկն անհրաժեշտ է համարում գազ ստանալ Ղազախստանից կամ Ադրբեջանից, ապա Ուկրաինան «պատրաստ է այն տարանցել»։ Դրա համար, ըստ Պոդոլյակի, պետք է լինեն «համապատասխան լոգիստիկա, պահանջներ, պայմանագրային պայմանավորվածություններ, որտեղ առանձին կնշվի Ուկրաինայի տարանցիկ դերը»։
Ռուսական «Գազպրոմ»-ի և ուկրաինական «Նավթոգազ»-ի միջև Ուկրաինայի տարածքով դեպի Արևմտյան և Կենտրոնական Եվրոպայի երկրներ գազի տարանցման պայմանագրի ժամկետը լրանում է 2024 թվականի վերջին։ Ուկրաինական կողմը բազմիցս ասել է, որ այն չի երկարաձգելու։
