06.12.2025 | 18:41
Տավուշի մարզի պարեկները ձկնագողության դեպք են բացահայտել. վնասի չափը՝ շուրջ 470 հազար դրամ. ՆԳՆ
Էրդողանը Թուրքիայում մեկօրյա համազգային սուգ է հայտարարել ՀԱՄԱՍ-ի քաղբյուրոյի ղեկավարի մահվան կապակցությամբ
Քաղաքականություն
02.08.2024 | 13:21
Թուրքիայի նախագահ Ռեջեփ Թայիփ Էրդողանը ուրբաթ օրը մեկօրյա համազգային սուգ է հայտարարել ՀԱՄԱՍ-ի քաղբյուրոյի ղեկավար Իսմայիլ Հանիեի մահվան կապակցությամբ։
«Թեհրանում 2024 թվականի հուլիսի 31-ին տեղի ունեցած սարսափելի սպանության հետևանքով ՀԱՄԱՍ-ի քաղբյուրոյի նախագահ Իսմայիլ Հանիեի նահատակության կապակցությամբ նպատակահարմար եմ համարում մեկօրյա համազգային սուգ հայտարարել և ազգային դրոշները կիսով իջեցնել մինչև 2024 թվականի օգոստոսի 2-ի մայրամուտը երկրում ու արտերկրում բոլոր ներկայացուցչություններում»,- ասվում է Էրդողանի հրամանագրում։
Նա նաև նշել է, որ այդպիսով ցույց են տալիս իրենց համերաշխությունը պաղեստինցիներին։
«Պաղեստինյան գործին մեր աջակցությունը և մեր պաղեստինցի եղբայրներին ու քույրերին համերաշխությունը ցույց տալու համար վաղը՝ օգոստոսի 2-ին, մեկօրյա համազգային սուգ կհայտարարվի ՀԱՄԱՍ-ի քաղբյուրոյի նախագահ Իսմայիլ Հանիեի նահատակության կապակցությամբ։ Ես ողորմածությամբ հիշում եմ Իսմայիլ Հանիեին և բոլոր պաղեստինցի նահատակներին։ Իմ անունից և մեր երկրի անունից ցավակցում եմ պաղեստինյան ժողովրդին»,- գրել է Թուրքիայի նախագահը սոցցանցի իր էջում։
