07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Պենտագոնի ղեկավարը հայտարարել է, որ ԱՄՆ-ը կօգնի Իսրայելին հարձակման ենթարկվելու դեպքում
Քաղաքականություն
31.07.2024 | 18:34
ԱՄՆ-ը կպաշտպանի Իսրայելին հնարավոր հարձակումներից։ Այս մասին հայտարարել է Պենտագոնի ղեկավար Լլոյդ Օսթինը՝ Մերձավոր Արևելքում հակամարտության սրման մտավախությունների աճի ֆոնին, գրում է Newsweek-ը։
«Եթե Իսրայելը ենթարկվի հարձակման, մենք, անշուշտ, կօգնենք պաշտպանել երկիրը։ Դուք տեսել եք, որ մենք դա արեցինք ապրիլին։ Կարող եք ակնկալել, որ դա նորից կանենք»,- ասել է Օսթինը Ֆիլիպիններ կատարած այցի ժամանակ։
ԱՄՆ-ը, Իսրայելի այլ դաշնակիցների հետ միասին, ինչպիսիք են Մեծ Բրիտանիան և Ֆրանսիան, ներգրավված էր ապրիլի կեսերին Իրանից, Իրաքից, Սիրիայից և Եմենից Իսրայելի վրա անօդաչու թռչող սարքերով և հրթիռներով իրանական հարձակման կասեցմանը։
Օսթինը նշել է, որ Վաշինգտոնը չի ցանկանում էսկալացիա տեսնել տարածաշրջանում, և ԱՄՆ-ը «քրտնաջան կաշխատի՝ խնդիրները դիվանագիտական միջոցներով լուծելու համար»։
