Հաղորդաշարեր
21.07.2024 | 20:00Արցախի Մարտունու հիվանդանոցը, լինելով սահմանին շատ մոտ, սեպտեմբերի 19-ին Ադրբեջանի ԶՈՒ լայնածավալ հարձակումից րոպեներ անց արդեն սկսել է ընդունել քաղաքացիական ու զինվորական առաջին վիրավորներին։ Երկարատև բլոկադայի հետևանքով հիվանդանոցում արդեն դեղորայքի պակաս կար, քիչ էին նաև մասնագետները, որպեսզի կարողանային մեծածավալ վիրահատություններ իրականացնել։ Բայց տեղի բժիշկների ուժերով ու Ստեփանակերտից եկած անեսթեզիոլոգի միջոցով բուժանձնակազմը կարողացել է կյանքեր փրկել ու նաև ծնունդներ ընդունել։ Գոհար Տոնյանը, լինելով մասնագիտությամբ մանկաբարձ-գինեկոլոգ, գործընկերների հետ սկսել է օգնություն ցուցաբերել հիվանդանոց բերված վիրավորներին և ծնունդներ ընդունել։ Նա կիսվում է իր դաժան հիշողություններով ու ապրումներով։
