28.09.2026 | 15:51
«Անկախ դիտորդը» ՏԻՄ ընտրություններում 31 խախտում է արձանագրել
Բաքուն այժմ էլ աղվանա-ուդիական համայնքի անդամների քարոզչական այց է կազմակերպել Դադիվանք
Քաղաքականություն
28.09.2026 | 15:19
Գանձասարի հայկական վանքում քարոզչական շոուից հետո հիմա էլ Բաքուն կազմակերպել է Ադրբեջանի աղվանա-ուդիական (ալբանա-ուդիական) կրոնական համայնքի ներկայացուցիչների այցն Արցախի հայկական Դադիվանք վանական համալիր։
Ադրբեջանական լրատվամիջոցները գրում են, որ համայնքի անդամները վանքում կրոնական արարողություններ են կատարել, վառել մոմեր, «աղոթել ադրբեջանցի ժողովրդի բարօրության ու խաղաղ կյանքի համար»։
Հիշեցնենք, որ Բաքուն պետական մակարդակով համակարգված արշավ է իրականացնում Արցախում հայկական կրոնական ժառանգության դեմ՝ դրանք ներկայացնելով որպես աղվանական։ Հիմնական թիրախներից է նաև Դադիվանքը։
Վերջերս Ադրբեջանի նախագահի օգնական Հիքմեթ Հաջիևը, որն ուղեկցել էր Ադրբեջանում հավատարմագրված դիվանագիտական կորպուսի ներկայացուցիչներին Արցախի տարածքներ, հայկական Գանձասար ու Դադիվանք վանքերի անվանումները նախ նենգափոխել էր ու անվանել Գանջասար և Խուդավենք, նաև կեղծել պատմությունը՝ դրանք ներկայացնելով որպես «հնագույն աղվանական քրիստոնեական ժառանգության անբաժանելի մասը»։
Թարգմանությունը՝ Էմմա Չոբանյանի
