23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Նորմալ է պատասխանել ինքնիշխան երկրի խնդրանքին, որը ցանկանում է զինվել, քանի որ զգում է՝ կարող է ագրեսիայի ենթարկվել մեկ այլ երկրի կողմից․ Մակրոնը՝ Երևանին ֆրանսիական զենք մատակարարելու մասին
Քաղաքականություն
19.07.2024 | 10:33
Լոնդոնում ընթանում է Եվրոպական քաղաքական համայնքի 4-րդ գագաթնաժողովը, որին, ի թիվս եվրոպական երկրների ղեկավարների, մասնակցում են նաև ՀՀ-ի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը։ Ֆրանսիայի Հանրապետության նախագահ Էմանուել Մակրոնը ելույթ ունենալով գագաթնաժողովին, Հայաստանի վերաբերյալ մի շարք ուշագրավ հայտարարություններ է արել։
ՀՀ-ում Ֆրանսիայի դեսպան Օլիվիե Դըկոտինյին X-ի իր միկրոբլոգում կատարած գրառումներով ներկայացրել է Մակրոնի շեշտադրումները․
«-Աջակցություն Հայաստանի անկախությանը, ինքնիշխանությանը և տարածքային ամբողջականությանը,
-Աջակցություն Հայաստանիի և Ադրբեջանի միջև շարունակվող քննարկումներին՝ խաղաղության պայմանագիր կնքելու շուրջ՝ արդար և տևական խաղաղության հասնելու համար՝ միջազգային իրավունքին համապատասխան»:
Խոսելով Հայաստանի ու Ադրբեջանի միջև երկարամյա հակամարտության մասին Էմանուել Մակրոնը նշել է․
«Եթե նայեք անցած տասնամյակին, ապա Ադրբեջանն ավելի է լավ է զինվել, քան Հայաստանը։ Եվ եթե ճիշտ եմ հիշում, իսկ եթե ոչ, ապա ուղղեք ինձ, Ադրբեջանը 2020 թվականին սարսափելի պատերազմ սկսեց»։
Ապա խոսելով Հայաստանի և Ֆրանսիայի ռազմատեխնիկական համագործակցության մասին նախագահ Մակրոնն ասել է․
«Նորմալ է պատասխանել ինքնիշխան երկրի խնդրանքին, որը ցանկանում է զինվել և զգում է, որ կարող է ագրեսիայի ենթարկվել մեկ այլ երկրի կողմից»:
Իր խոսքում Էմանուել Մակրոնն ադրադարձել է նաև Հայաստանի ու Ադրբեջանի միջև կնքվելիք խաղաղության պայմանագրին․
«Հայաստանի հեռանկարը խաղաղությունն է, Ֆրանսիայի հեռանկարը խաղաղությունն է, հուսով եմ՝ Ադրբեջանի հեռանկարը խաղաղությունն է։ Եվ եթե երկու երկրներն ավարտեն հաշտության պայմանագիրը, մենք կաջակցենք նման պայմանագրին»:
