06.08.2026 | 18:13
Սոցցանցերում բոտերը Վրաստանում ռուսների նկատմամբ թշնամանքի մասին գրառումներ են տարածել․ Թբիլիսին հետաքննություն է սկսել
Պապիկի համար բժիշկ փնտրող 11-ամյա Կառլենը վիրավորվել է ադրբեջանցու կրակոցից․ ՏԵՍԱՆՅՈՒԹ
Հաղորդաշարեր
14.07.2024 | 21:30
11-ամյա Կառլենը մայրիկի ու պապիկի հետ բնակվում էր Արցախի Աղաբեկալանջ գյուղում։ 2023թ-ի սեպտեմբերի 19-ին համագյուղացիների հետ իրենք էլ մեծ դժվարությամբ տեղափոխվում են Ստեփանակերտ, մի քանի օր մնում նախ օդանավակայանում, հետո Արմենիա հյուրանոցի շենքում։ Կատարվածից սթրեսի մեջ հայտնված 78-ամյա պապիկի՝ Կառլեն Աղաբեկյանի ինքնազգացողությունը վատանում է։ Բժշկական օգնության բացակայության պատժառով նրա կյանքը փրկել չի հաջողվում։
Մինչ այդ Կառլենը, տեսնելով, որ պապիկի վիճակը վատ է, որոշում է հեծանվով գնալ Կարմիր խաչի մեքենայի հետևից ու օգնություն կանչել։ Հասնելով «Տատիկ-պապիկի» արձանի մոտ՝ նկատում է ադրբեջանական համարներով մեքենաներ ու որոշում է հետ վերադառնալ, սակայն ադրբեջանցիները կրակում են նրա ոտքին ու վիրավորում։ Այդ վիճակում Կառլենը հասնում է մինչև Ստեփանակերտի Վերածննդի հրապարակ, որտեղ նրան արդեն տեղի մարդիկ օգնություն են ցուցաբերում։ Կառլենի ոտքը վիրահատում ու փամփուշտը հեռացնում են արդեն Երևանում՝ 3 օր անց։
Հիմա Կառլենը մայրիկի հետ բնակվում է Արզնիում վարձակալած բնակարանում։ Շարունակում է ուսումը տեղի դպրոցում, նոր հեծանիվ է նվեր ստացել, իսկ մայրը՝ Իրինան, փորձում է աշխատանք գտնել՝ նվազագույն կարիքները հոգալու համար։
Մանրամասները՝ տեսանյութում։
Ալեքսանդր Մարտիրոսյան
