06.10.2024 | 15:55
Սարգիս Խանդանյանը նշանակվել է Ուզբեկստանում կայանալիք խորհրդարանական ընտրություններում ԵԱՀԿ առաքելության ղեկավար
Ադրբեջանի ընդդիմադիր «Մուսավաթ» կուսակցությունը որոշել է մասնակցել խորհրդարանական արտահերթ ընտրություններին
Քաղաքականություն
05.07.2024 | 17:51
Ադրբեջանի ընդդիմադիր «Մուսավաթ» կուսակցությունը կմասնակցի սեպտեմբերի 1-ին նշանակված Միլլի Մեջլիսի արտահերթ ընտրություններին։ Որոշումը կայացվել է հուլիսի 4-ին, գրում են ադրբեջանական լրատվամիջոցները։
Ստեղծվել է նախընտրական շտաբ, որը ղեկավարելու է Արիֆ Հաջիլին։
Նշենք, որ հունիսին «Մուսավաթ»-ը մասնակցել էր Ադրբեջանի նախագահականի կողմից կազմակերպված իշխանությունների ու տարբեր կուսակցությունների ներկայացուցիչների հանդիպմանը։ Սա քննադատությունների առիթ էր տվել։ Հանդիպումից հետո ակտիվացան լուրերը, որ կուսակցությունը մասնակցելու է արտահերթ խորհրդարանական ընտրություններին։
Հիշեցնենք՝ հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման Միլլի Մեջլիսը ցրելու և արտահերթ ընտրություններ նշանակելու մասին։ Ալիևը խորհրդարանի արտահերթ ընտրությունները նշանակել է 2024 թվականի սեպտեմբերի 1-ին։
Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
