11.08.2026 | 13:00
Թուրքիայի խորհրդարանը հաստատել է քրդական PKK-ի զինյալների համար համաներում հայտարարելու օրենքը
ՌԴ ՊՆ-ն հայտնել է 114 անօդաչու թռչող սարքի խոցման մասին
Քաղաքականություն
21.06.2024 | 14:15
Հունիսի 21-ի գիշերն անօդաչու սարքերը գրոհել են բռնակցված Ղրիմի, Կրասնոդարի երկրամասի, Բրյանսկի և Վոլգոգրադի շրջանները։ Կրասնոդարի շրջանի օպերատիվ շտաբը հայտնել է Տեմրյուկի շրջանի, Յեյսկի և Սևերսկի շրջանների վրա զանգվածային հարձակման մասին։ Տեմրյուկի շրջանում անօդաչու թռչող սարքի բեկորներն ընկել են Վոլնա գյուղի հյուրատան վրա, հյուրերը տարհանվել են, տուժածներ չկան, փոխանցում է Current Time-ը։
Վնասվել է նաև Կրասնոդարի «Յուժնի» ավտոկայանի հարևանությամբ գտնվող կաթսայատան շենքը։ Նախնական տվյալներով՝ չորս մարդ տուժել է անօդաչու թռչող սարքի բեկորների ընկնելու հետևանքով։ Ավելի ուշ շրջանի նահանգապետ Վենիամին Կոնդրատևը հայտնել է, որ կաթսայատան աշխատակիցներից մեկը մահացել է։
Սևերսկի շրջանում անօդաչու թռչող սարքն ընկել է Իլսկի նավթավերամշակման գործարանի տարածքում։ Վնասվել են տնտեսական շենքեր։
Անօդաչու թռչող սարքի կործանումից հետո հրդեհ է բռնկվել 50 քմ տարածքում։ Այն արդեն մարվել է։ Երկու մարդ վիրավորվել է։
