06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Թուրքիայում դպրոցական մրցաշարի ժամանակ խտրական արտահայտություններ են հնչել հայկական վարժարանի աշակերտների հասցեին
Քաղաքականություն
13.06.2024 | 21:49
Թուրքիայում հունիսի 11-ին անցկացված միջդպրոցական մարզական մրցաշարի ժամանակ, որին մասնակցել են Կենտրոնական (Getronagan) հայկական վարժարանի աշակերտները, ռասիստական վանկարկումներ են հնչել։ ԱԿՈՍ-ի հաղորդմամբ՝ Ստամբուլի Բեյօղլու Անատոլիայի վարժարանի կողմից կազմակերպված միջդպրոցական մարզական մրցաշարի ժամանակ հայկական վարժարանի աշակերտները ֆուտբոլային հանդիպում են անցկացրել İTÜ Mesleki և Teknik Anadolu վարժարանների սաների հետ։
Խաղի ընթացքում հանդիսատեսի կողմից հնչել են խտրական արտահայտություններ, այդ թվում՝ «Գաղթականներ, դո՛ւրս»։
Ուսուցիչների և պաշտոնյաների անհապաղ զգուշացումներից հետո վանկարկումները դադարեցվել են և թիմերը շարունակել են մրցաշարը։
Հայկական վարժարանի պատասխանատուները հայտարարել են, որ հարցն արագ փակվել է և դպրոցը շարունակել է մրցաշարին մասնակցությունը։ Թիմն անցկացնելու է նաև եզրափակիչ հանդիպումը:
