14.05.2026 | 14:23
Ասում ենք՝ 300 հազար ադրբեջանցի է գալու, բայց արդեն կասկածում եմ նույնիսկ 500 հազար․ Կարապետյան. ՏԵՍԱՆՅՈՒԹ
Քարացած կրոնական ծեսերի, «հետխորհրդային մարդու» և 40 տարվա դեգերումների մասին. ապաղաքական զրույց Հայկ Հակոբյանի հետ. ՏԵՍԱՆՅՈՒԹ
Հաղորդաշարեր
09.06.2024 | 21:00
Factor TV-ի A-politic հաղորդաշարի հյուրն է կրոնագետ Հայկ Հակոբյանը: Նրա կարծիքով՝ կրոնի՝ որպես քարացած ծեսերի համակարգի և «կենդանի հավատի» հակադրությունը մշտապես գոյություն ունի բոլոր դավանանքներում: Թերևս, Քրիստոսի ի հայտ գալն ինչ-որ իմաստով պայմանավորված է այն պահին հրեաների հոգևոր ուսմունքի որոշակի ճգնաժամով: Սակայն ճգնաժամեր եղել են նաև բուն քրիստոնեության մեջ: Եվ ճգնաժամի «պատասխաններից» մեկը բողոքականությունն էր իր բազմաթիվ ճյուղավորումներով:
Միացյալ Նահանգների «հիմնադիր հայրերը» կրել են բողոքականության ազդեցությունը, ինչով էլ պայմանավորված է ամերիկյան հասարակական կյանքում կրոնի նկատմամբ յուրահատուկ մոտեցումը: Այս շրջանակներում հաղորդման հյուրը մեկնում է Թոմաս Ջեֆերսոնի Ավետարանը, ինչպես նաև «մշակութային քրիստոնյա» հասկացությունը:
Այսօր Հայաստանի Հանրապետությունում ապրող մարդկանց ավագ սերունդը կրթվել և դաստիարակվել է Խորհրդային Միության պայմաններում: Այդ համակարգում, օրինակ, պետությունից գողանալը «մեղք» չէր համարվում: Ըստ կրոնագետի՝ ամբողջական սերնդափոխություն առայժմ տեղի չի ունեցել, դրա համար պետք է «աստվածաշնչյան» 40 տարին: Բայց, մյուս կողմից, ամբողջությամբ մերժել նախորդ սերնդի նվաճումները նույնպես սխալ կլիներ:
Մանրամասները՝ տեսանյութում:
Արամ Աբրահամյան
