07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Նորվեգիան և Իսպանիան Պաղեստինը պաշտոնապես ճանաչել են որպես անկախ պետություն
Քաղաքականություն
28.05.2024 | 13:40
Նորվեգիան և Իսպանիան Պաղեստինը պաշտոնապես ճանաչել են որպես անկախ պետություն։ Նորվեգիայի ԱԳՆ-ն հայտնել է, որ որոշումն ուժի մեջ է մտել այսօր՝ մայիսի 28-ին, գրում է DW-ի ռուսական ծառայությունը։
Երկու օր առաջ Նորվեգիայի ԱԳ նախարար Էսպեն Բարտ Էյդենը հաստատման փաստաթուղթը ներկայացրել էր Պաղեստինի ազգային վարչակազմի վարչապետ Մուհամեդ Մուստաֆային Բրյուսելում կայացած հանդիպման ժամանակ։ Նրա կարծիքով՝ այս որոշումը կարող է «ավելի մեծ խթան հաղորդել խաղաղ կարգավորմանը» Մերձավոր Արևելքում, եթե մյուս երկրները հետևեն Նորվեգիայի օրինակին։
Իսպանիայի վարչապետ Պեդրո Սանչեսն իր հերթին հայտարարել է, որ Մադրիդը ճանաչում է Պաղեստինի անկախությունը 1967 թվականի սահմաններում և Արևելյան Երուսաղեմ մայրաքաղաքով։ Նա այս որոշումն անվանել է պատմական և ընդգծել, որ այն «ուղղված չէ որևէ մեկի դեմ» և «ավելի քիչ չափով Իսրայելի դեմ»՝ մի երկրի, որը բարեկամ է Իսպանիային, որի հետ Մադրիդը մտադիր է պահպանել լավագույն հարաբերությունները։
Այսօր Պաղեստինի անկախ պետության ճանաչելու մասին հայտարարություն է սպասվում նաև Իռլանդիայից, որն օրեր առաջ հայտնել էր Նորվեգիայի և Իսպանիայի հետ միաժամանակ ճանաչման մտադրության մասին։
