11.08.2026 | 22:12
Վաշինգտոնում կայացել է Հայաստանի, Ադրբեջանի և ԱՄՆ բարձրաստիճան դիվանագետների եռակողմ հանդիպումը
Իրանում նախագահական ընտրությունները կանցկացվեն հունիսի 28-ին
Քաղաքականություն
21.05.2024 | 16:04
Իրանի Սահմանադրության պահապանների խորհուրդը հավանություն է տվել նախագահական ընտրությունները հունիսի 28-ին անցկացնելու առաջարկին։ Այս մասին հայտնում է Mehr գործակալությունը՝ վկայակոչելով խորհրդի ներկայացուցչին։
Նախօրեին Իրանի ընտրական հանձնաժողովը Սահմանադրության պահապանների խորհրդին առաջարկել էր նախագահական ընտրություններն անցկացնել հունիսի 28-ին։ Ընտրական շտաբը նաև առաջարկել էր մայիսի 28-ին գրանցել Իրանի նախագահի թեկնածուներին։
Հիշեցնենք՝ Իրանի նախագահ Էբրահիմ Ռաիսին, արտաքին գործերի նախարար Հոսեյն Ամիր Աբդոլլահիանը և մի շարք այլ պաշտոնյաներ զոհվել են մայիսի 19-ին Իրանի հյուսիս-արևմուտքում գտնվող Արևելյան Ադրբեջան նահանգում ուղղաթիռի վթարի հետևանքով: Մայիսի 20-ի առավոտյան Իրանի փոխնախագահ Մոհսեն Մանսուրին հաստատել է նախագահի և նրա պատվիրակության մահվան մասին լուրերը, որոնք վերադառնում էին Ադրբեջան կատարած այցից։
