06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Բաքվի դատարան Ռուբեն Վարդանյանի ապօրինի կալանքը երկարաձգելու միջնորդություն է ներկայացվել
Քաղաքականություն
16.05.2024 | 11:42
Բաքվի Սաբայիլի դատարան միջնորդություն է ներկայացվել Ադրբեջանում ապօրինի պահվող Արցախի նախկին պետնախարար Ռուբեն Վարդանյանի նկատմամբ ընտրված խափանման միջոցը երկարաձգելու մասին։
Ադրբեջանական լրատվամիջոցների հաղորդմամբ՝ դատարանը դիտարկում է Պետական անվտանգության ծառայության գլխավոր քննչական վարչության միջնորդությունը։
Հիշեցնենք՝ Բաքուն 2023 թվականի սեպտեմբերի 27-ին Հակարիի կամրջից առևանգել է Ռուբեն Վարդանյանին, ապօրինի ձերբակալել և շինծու մեղադրանքներ առաջադրել։ Այդ ժամանակ ադրբեջանական դատարանը նրան 4 ամսով կալանավորելու որոշում էր կայացրել։
Ավելի վաղ Բաքվի դատարանը երկարացրել էր Ադրբեջանի կողմից առևանգված և ապօրինիաբար բանտում պահվող Արցախի նախկին ու ներկա ռազմաքաղաքական ղեկավարների կալանքի ժամկետը։ Արցախի նախկին նախագահներ Արայիկ Հարությունյանի, Բակո Սահակյանի, Արկադի Ղուկասյանի, ԱԳ նախկին նախարար Դավիթ Բաբայանի, ԱԺ նախագահ Դավիթ Իշխանյանի, ՊԲ նախկին հրամանատար Լևոն Մնացականյանի և ՊԲ նախկին փոխհրամանատար Դավիթ Մանուկյանի ապօրինի կալանքի ժամկետը երկարացվել է ևս 5 ամսով։
Էմմա Չոբանյան
