05.11.2026 | 19:04
Գուրգեն Արսենյանը պարգևատրվել է ՌԴ ԱԳՆ «Փոխգործակցության համար» կրծքանշանով
Նա դիվերսանտ չէ․ Սուրեն Պապիկյանը՝ Շաքիում հայտնված ադրբեջանցի զինծառայողի մասին. ՏԵՍԱՆՅՈՒԹ
Հասարակություն
07.10.2026 | 17:50
Պաշտպանության նախարար Սուրեն Պապիկյանն Ազգային ժողովում պատասխանեց Սյունիքի մարզի Շաքի գյուղում ադրբեջանցի զինծառայողի հայտնվելու միջադեպին վերաբերող հարցին։
Պաշտպանության նախարարը, անդրադառնալով շրջանառվող լուրերին, հայտարարեց, որ ձերբակալված ադրբեջանցի զինծառայողը դիվերսանտ չէր։ Նրա խոսքով՝ այդ մասին է վկայում այն փաստը, որ ձերբակալության ընթացքում նա որևէ դիմադրություն ցույց չի տվել իրավապահ մարմիններին։
Սուրեն Պապիկյանը միևնույն ժամանակ ընդունեց, որ միջադեպի հետ կապված եղել են թերացումներ, որոնք ունեցել են և կունենան համապատասխան հետևանքներ։
Նախարարը նշեց, որ ահազանգն ստանալուն պես պատկան մարմիններն իրականացրել են օրենքով սահմանված անհրաժեշտ գործողություններ, այդ թվում՝ փնտրողական աշխատանքներ։
Պաշտպանական գերատեսչության ղեկավարն ընդգծեց, որ թերացումների վերաբերյալ ամբողջական հետևանքների և գնահատականների մասին հնարավոր կլինի խոսել միայն ընթացող ծառայողական քննության և քննչական գործողությունների ավարտից հետո։
Մանրամասները՝ տեսանյութում։
Եվգենյա Համբարձումյան
