ՏԻՄ ընտրություններից հետո Էրդողանի կուսակցության վարկանիշը շարունակում է անկում ապրել, ընդդիմությանը՝ աճել․ սոցհարցում

Հասարակական կարծիքի ուսումնասիրության «Türkiye Raporu» կազմակերպությունը, որը հարցումների արդյունքները գնահատող ամենամսյա երկու զեկույց է հրապարակում և ամեն ամիս հարցում է անցկացնում անցկացնում 2000 մարդկանց շրջանում, ներկայացրել է «Եթե խորհրդարանական ընտրությունները լինեին այս կիրակի» հարցման արդյունքները։

Արդյունքների համաձայն՝ ընդդիմադիր Ժողովրդահանրապետական ​​կուսակցության (CHP) ժողովրդականության վերելքը շարունակվում, որին աջակցությունը հասել է 35,2 տոկոսի, իսկ նախագահ Ռեջեփ Թայիփ Էրդողանի Արդարություն և զարգացում կուսակցությանը չի հաջողվել կասեցնել անկումը՝ 30-ից հասնելով 29,8 տոկոսի։

«Türkiye Raporu»-ի մենեջեր Ջան Սելջուկը սոցիալական ցանցերում գրել է, որ զեկույցներում, որոնք ամեն ամիս հրապարակում են 2019 թվականի սեպտեմբերից ի վեր, 2024 թվականի ապրիլին առաջին անգամ ԱԶԿ-ն չի հայտնվել որպես առաջին կուսակցություն, իսկ Էրդողանը՝ որպես ամենաբարձր վարկանիշով առաջնորդ:

Նշենք, որ Թուրքիայում մարտի 31-ի ՏԻՄ ընտրությունների արդյունքներով՝ ընդդիմադիր Ժողովրդահանրապետական կուսակցությունը (CHP)  պատմական հաղթանակ է գրանցել, իսկ Էրդողանի գլխավորած կուսակցությունըմ 2002 թվականին իշխանության գալուց ի վեր, ամենամեծ պարտությունն է ունեցել։ CHP հավաքել է ձայների ավելի քան 37,76 տոկոսը, ԱԶԿ-ն՝ 35,48 տոկոսը։

Անկարայում գործող ընդդիմադիր քաղաքապետ Մանսուր Յավաշը հավաքել է ձայների 60,38 տոկոսը, ԱԶԿ-ի թեկնածու Թուրգուտ Ալթինոքը՝ 31,69 տոկոսը, Ստամբուլում գործող քաղաքապետ Էքրեմ Իմամօղլուն՝ 51,14 տոկոսը, Էրդողանի թեկնածու Մուրադ Քուրումը՝ 39,59 տոկոսը։ Իմամօղլուն Էրդողանի հիմնական քաղաքական մրցակիցն է, որը, չնայած իշխող ուժի մեծ ջանքերին, կարողացավ կրկին հաղթել Ստամբուլի ընտրություններում։