27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ադրբեջանի ռազմաօդային ուժերը թուրքական նոր Akıncı ԱԹՍ-ներով վարժանքներ են անցկացնում
Քաղաքականություն
29.02.2024 | 18:50
Ադրբեջանի ռազմաօդային ուժերի անօդաչու թռչող սարքերի ստորաբաժանումներն ուսումնամարզական թռիչքներ են իրականացնում թուրքական Akıncı անօդաչուներով, հայտնում է Ադրբեջանի ՊՆ-ն։
Նշվում է, որ մինչ վարժանքները սկսելը, անձնակազմերը գործողություններ են իրականացրել՝ անօդաչու թռչող սարքը մարտական պատրաստության վիճակի բերելու ուղղությամբ։
«Akıncı հարվածային անօդաչուները, որոնք շահագործման են հանձնվել, իրականացրել են օդային հետախուզություն սահմանված երթուղիներով, որոշել պայմանական հակառակորդի ցամաքային թիրախների կոորդինատները և կատարել այլ առաջադրանքներ»,- ասվում է ռազմական գերատեսչության հաղորդագրության մեջ։
Հավելենք, որ Ադրբեջանի նախագահ Իլհամ Ալիևը և նրա որդին՝ Հեյդար Ալիևը, փետրվարի 9-ին այցելել էին ռազմաօդային ուժերի ռազմական օբյեկտներ, դիտել վերջերս ծառայության ընդունված թուրքական արտադրության Akıncı հարվածային անօդաչու թռչող սարքերի թռիչքները։ Ալիևը ծանոթացել էր անօդաչու թռչող սարքերի ակադեմիայում ստեղծված պայմաններին։ Ադրբեջանի ՊՆ ղեկավար Զաքիր Հասանովն ու Թուրքիայի նախագահ Ռեջեփ Թայիփ Էրդողանի փեսա, թուրքական «Բայքար» ընկերության տեխնիկական տնօրեն Սելջուկ Բայրաքթարը տեղեկացրել էին ակադեմիայում ստեղծված պայմանների և անօդաչու թռչող սարքերի մասին։
