18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ադրբեջանը Պակիստանից JF-17C կործանիչներ է գնում
Քաղաքականություն
22.02.2024 | 16:52
Ադրբեջանի ռազմաօդային ուժերը և Պակիստանի ավիացիոն համալիրը պայմանագիր են կնքել, որը կդառնա ասիական երկրի պատմության մեջ ամենամեծ պայմանագիրը։ Այս մասին հայտնում է Air Operations Syndicate-ը։
Ադրբեջանական լրատվամիջոցները գրում են, որ պայմանագրի համաձայն՝ Ադրբեջանը ձեռք է բերելու JF-17C Block-III կործանիչներ, ինչպես նաև ռեակտիվ ինքնաթիռների ուսումնական և մարտական զինամթերք։ Համաձայնագրի արժեքը գնահատվում է 1,6 մլրդ դոլար։
JF-17-ը համարվում է «4+» սերնդի կործանիչ, մարտական ինքնաթիռն օգտագործում է հինգերորդ սերնդի ավիոնիկա և զենք:
Դեռևս 2021 թվականի վերջին տեղեկություններ էին տարածվել, որ Բաքուն հետաքրքրված է պակիստանյան կործանիչներով։ Մասնավորապես, այդ մասին հայտարարել էր Իսլամաբադում Ադրբեջանի դեսպանատան ռազմական կցորդ Մեհման Նովրուզովը։
«Պակիստանից JF-17 Thunder ինքնաթիռների գնումը մեր օրակարգի առանցքային կետն է»,- ասել էր Նովրուզովը։
Նա նշել էր, որ Ադրբեջանն աշխատում է Պակիստանի հետ իր ռազմաօդային ուժերի արդիականացման ուղղությամբ և մտադիր է գնել JF-17 կործանիչի Block3 մոդիֆիկացիան, որում արդիականացված են խցիկի էլեկտրական և ռադարային համակարգերը։
