16.12.2025 | 16:21
Մենք կձեռնարկենք որոշ խորհրդանշական քայլեր՝ սկսած հաջորդ տարվա սկզբից․ Էրդողանը՝ ՀՀ-ի հետ հարաբերությունների մասին
Զելենսկին հայտարարել է ռազմաճակատի մի քանի հատվածներում «ծայրահեղ ծանր» իրավիճակի մասին
Քաղաքականություն
20.02.2024 | 15:33
Իրավիճակը ճակատի մի քանի հատվածներում չափազանց բարդ է՝ շատ բարդ է այն հատվածներում, որտեղ ռուսական զորքերը կենտրոնացրել են առավելագույն ռեզերվները, հայտարարել է Ուկրաինայի նախագահ Վլադիմիր Զելենսկին, գրում է Крым Реалии-ն։
«Նրանք օգտվում են Ուկրաինային օգնության ձգձգումից։ Եվ դրանք շատ շոշափելի բաներ են։ Հրետանու պակաս, առաջնային ՀՕՊ-ի և մեր զինատեսակների ավելի մեծ հեռահարության անհրաժեշտություն»,- ասել է Ուկրաինայի նախագահը։
Այսօր ավելի վաղ տարածված հաղորդագրության մեջ Ուկրաինայի Գլխավոր շտաբը հայտնել էր, որ ռազմաճակատում տեղի է ունեցել 70 ռազմական բախում, ռուսական զորքերն ակտիվորեն օգտագործում են ինքնաթիռներ և FPV անօդաչու սարքեր, ինչպես նաև գրոհային գործողություններ են իրականացնում զրահատեխնիկայի օգնությամբ։
