12.08.2026 | 17:15
Կիևյան կամրջի երթևեկելի հատվածը կբացվի նախատեսված ժամկետից ավելի շուտ. քաղաքապետարան
Վրաստանում զինված տղամարդը կրակ է բացել Ռուսթավիի շուկայում
Քաղաքականություն
09.02.2024 | 12:18
Վրաստանում զինված տղամարդը կրակ է բացել Ռուսթավի քաղաքի Ստամբուլյան շուկայում (Թբիլիսիից 40 կմ հեռավորությամբ)։ Նախնական տվյալներով՝ չորս մարդ է սպանվել, կան նաև վիրավորներ։
Վրաստանի ՆԳՆ-ն հայտնել է, որ չորս մարդ է զոհվել Ռուսթավի քաղաքի շուկայում 1988 թվականին ծնված տղամարդու կրակոցների հետևանքով։
«Պարզվել է, որ շուկայի տարածքում մի քանի կրակոց է արձակել 1988 թվականին ծնված Գ.Օ.-ն, ինչի հետևանքով 4 մարդ է զոհվել, այդ թվում՝ շուկայում աշխատող մեղադրյալի հորեղբայրը։ Մեկ մարդ վիրավորվել է՝ մեղադրյալի հորեղբոր որդին»,- ասված է գերատեսչության հայտարարության մեջ։
Վրաստանի ՆԳՆ-ի տվյալներով՝ կրակոցներ արձակած տղամարդը ձերբակալվել է դեպքի վայրում։ Դեպքի հանգամանքները պարզվում են։
