01.05.2026 | 12:08
ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ է կանչվել․ բողոքի նոտա է հանձնվել
Զալուժնին պնդում է, որ Ուկրաինայի ԶՈՒ-ն խոցել է ռուսական Ա-50 և Իլ-22 ինքնաթիռները
Քաղաքականություն
15.01.2024 | 16:48
Ուկրաինայի Զինված ուժերի գլխավոր հրամանատար Վալերի Զալուժնին հայտարարել է, որ ռազմաօդային ուժերը ոչնչացրել են Ա-50 հեռահար ռադարային հայտնաբերման ինքնաթիռ և հակառակորդի Իլ-22 օդային կառավարման կենտրոնը, գրում է BBC-ի ռուսական ծառայությունը։
«Շնորհակալ եմ ռազմաօդային ուժերին Ազովի շրջանում կատարյալ պլանավորված և իրականացված գործողության համար»,- նշել է Զալուժնին Telegram-ի իր ալիքում հաղորդագրության մեջ։
Ռուսաստանը դեռևս չի մեկնաբանում այս մասին նախորդ գիշեր ուկրաինական լրատվամիջոցներում հայտնված հաղորդագրությունները։
Կրեմլի խոսնակ Դմիտրի Պեսկովը երկուշաբթի առավոտյան միայն ասել է, որ տեղեկություն չունի կորած ռազմական ինքնաթիռների մասին՝ նշելով, որ այդ հարցի համար պետք է դիմել Պաշտպանության նախարարությանը։
