14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Վշտով ավելի հեշտ է վարակել, բայց ուրախությունն ավելի հաճելի է պատճառել. ապաքաղաքական զրույց Ռուբեն Բաբայանի հետ. ՏԵՍԱՆՅՈՒԹ
Հաղորդաշարեր
31.12.2023 | 21:02
Factor TV-ի A-politic հաղորդաշարի հյուրն է ռեժիսոր Ռուբեն Բաբայանը: Անդրադառնալով Ամանորի և Սուրբ Ծննդի ժամանակ մարդկանց ակնկալիքներին, սպասվող «հրաշքին»՝ հաղորդման հյուրը կարծիք է հայտնում, որ ցանկացած ծնունդ իրականում հրաշք է։ Եվ անկախ նրանից՝ մարդը հավատացյալ է, թե՝ ոչ, ծնունդի հետ մշտապես հույսեր են կապվում: Ռեժիսորի համոզմամբ՝ իրականում մարդը ծնվում է ոչ միայն իր ծննդյան օրը, այլ ամեն օր:
Ամանորյա գեղարվեստական ռեպերտուարն այսօր անհամեմատ հարուստ է այն ժամանակաշրջանի հետ համեմատ, երբ սահմանափակվում էր հեռուստատեսությամբ Ռյազանովի հայտնի կինոկատակերգություններով: Այսօր երիտասարդությունը, ըստ հաղորդման հյուրի, ազատ է՝ նաև հասարակական ճնշումից, և դա պետք է համարել դրական երևույթ:
Ի՞նչն է ավելի հեշտ փոխանցվում մարդկանց՝ ուրախությո՞ւնը, թե՞ վիշտը: Ըստ Ռուբեն Բաբայանի՝ վիշտն ավելի «վարակիչ է», բայց մարդկանց դրական էմոցիաներ փոխանցելն ավելի հաճելի զբաղմունք է: Բայց նախ՝ դու ինքդ պետք է այդ էմոցիաներն ապրես, հակառակ դեպքում, ուրախությունն արհեստական է լինելու, իսկ կեղծավորությունը դժվար չէ ճանաչել: Աշխարհին դրական իմպուլսներ կարող են ուղարկել միայն այն մարդիկ, որոնց համար կյանքը հետաքրքիր է, որոնք պատրաստ են սովորել կյանքից՝ անկախ տարիքից:
Մանրամասները՝ տեսանյութում:
Արամ Աբրահամյան
