12.10.2026 | 17:51
Էմմա Պալյանը հայտնել է Ալեն Սիմոնյանի օգնականը դառնալու մասին
Պավլիկ Մանուկյանի սկանդալային հայտարարությունը «Հիմնադիր խորհրդարանում» չեն մեկնաբանում․ ՏԵՍԱՆՅՈՒԹ
Հասարակություն
25.07.2018 | 18:03
«Հիմնադիր խորհրդարանը» իշխանափոխությունը երբեք որպես նպատակ չի ունեցել, դա եղել է ՀԽ-ի նպատակին հասնելու հանգրվաններից մեկը, իսկ որպես վերջնական նպատակ իրենք որդեգրել են անվտանգ միջավայր ունենալու խնդիր, ինչը դեռևս չկա։ Այս մասին այսօր լրագրողների հետ զրույցում ասաց ՀԽ անդամ Վահագն Ավագյանը՝ նշելով, որ իրենք պայքարելու են մատնանշած վերջնական կետին հասնելու համար, իսկ դրան հասնելու գրավականը ժողովրդավարական կառավարման համակարգի ստեղծումն է։
«Այն մարդիկ, որոնք ուշադիր հետևում են, թե ով ինչպես է աջակցել «Հիմնադիր խորհրդարանին» և «Սասնա ծռերին», ինչպես են նրանք իրենց աջակցությունն ունեցել Սերժ Սարգսյանի վերարտադրությունը կասեցնելու գործընթացին, տեսնում են, որ կատարված փոփոխություններում մենք ևս շահառու ենք»,- ասաց նա։
Հարցին՝ արդյոք իրենց համար անակնկալ էր «Սասնա ծռերի» անդամ Պավլիկ Մանուկյանի՝ դատարանում արած սկանդալային հայտարարությունը, Վահագն Ավագյանը պատասխանեց․ «Այդ հարցը մենք չենք մեկնաբանում։ Վարուժան Ավետիսյանը կարող է կազմակերպել մամուլի ասուլիս և պատասխանել հանրությանը հուզող հարցերին։ Մենք դա չենք մեկնաբանում, քանի որ մեր մեկնաբանելու հարցը չէ»։
Մանրամասները՝ տեսանյութում։
