25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Արցախցի կինը 6 երեխաների հետ հյուրանոցի 1 սենյականոց համարում է․ ՏԵՍԱՆՅՈՒԹ
Հասարակություն
29.09.2023 | 19:10
Արցախից բռնի տեղահանված բազմազավակ մայրը վեց երեխաների հետ տեղավորվել է Գորիսի հյուրանոցներից մեկի 1 սենյականոց համարում։ Factor TV-ի հետ զրույցում բազմազավակ մայրը` Լիանան, ներկայացրեց, թե ինչ դժվարություններով են Ստեփանակերտից Գորիս հասել։ Ըստ նրա՝ անչափահաս երեխաները երկու օր ստիպված են եղել սոված անցնել գաղթի ճանապարհը, քանի որ պատրաստ չեն եղել 48 ժամ խցանումների մեջ մնալուն։ Հակարիի կամուրջն անցնելուց հետո նոր միայն Լիանան երեխաների համար ջուր և հաց է խնդրել` ծառայություն իրականացնող ոստիկաններից։
Ի դեպ, Լիանայի 6-րդ երեխան 7 ամիս առաջ է ծնվել շրջափակման մեջ գտնվող Ստեփանակերտում։ Լիանան խոսելով գաղթի ճանապարհի մասին` նշեց, որ ռուս խաղաղապահները որևէ հարցով չեն աջակցել, նայել են, թե ինչպես են ադրբեջանցի զինվորականները ստուգում իրենց իրերը։ Բազմազավակ մայրն այժմ չգիտի, թե իր երեխաների հետ որտեղ է մշտական բնակություն հաստատելու, նշում է` ցանկանում է Հայաստանում ապրել, եթե կարողանա իր մասնագիտությամբ աշխատանք գտնել։
Մանրամասները` տեսանյութում։
