07.10.2026 | 21:52
Երթևեկության ժամանակավոր սահմանափակումներ՝ պայմանավորված «Էրեբունի-Երևան 2808» տոնակատարությամբ
«Բանակցում ենք». Զառա Ամատունին՝ ծանր վիրավորներին Արցախից ՀՀ տեղափոխելու մասին
Քաղաքականություն
23.09.2023 | 19:13
«Մենք այս տեսակի խնդիրների շուրջ էլ ենք բանակցում»,- այս մասին տեղական եւ միջազգային լրատվամիջոցների հետ ճեպազրույցի ընթացքում FactorTV-ի հարցին ի պատասխան ասաց Կարմիր Խաչի միջազգային կենտրոնի հայաստանյան գրասենյակի ներկայացուցիչ Զառա Ամատունին՝ անդրադառնալով ծանր վիրավորում ունեցող 30-ից ավելի արցախցու Հայաստան տեղափոխելու ուղղությամբ ձեռնարկվող միջոցներին։
«Հուսով ենք, որ այդ հարցում ևս կկարողանանք մեր դերակատարումն ունենալ որպես ֆասիլիտատոր»,- նշեց Ամատունին։
Հիշեցնենք՝ երեկ Արցախի Առողջապահության նախարար Վարդան Թադևոսյանը հայտնել էր, որ աշխատանք է տարվում ծանր վիրավորում ունեցող 30-ից ավելի արցախցու Հայաստան տեղափոխելու ուղղությամբ:
«Ուրախ եմ, որ ԿԽՄԿ-ն համաձայնություն է տվել ուղեկցելու այդ գործընթացը: Մեքենաները Հայաստանից կգան Ստեփանակերտ և կտեղափոխեն վիրավորներին»,- Արցախի հանրային հեռուստաընկերությանը տված հարցազրույցում ասել էր նախարարը։
Այսօր առավոտյան FactorTV-ի թղթակիցը հայտնել էր, որ շտապօգնության մեքենաները դեռևս Գորիսում չեն, չնայած տարածվող տեղեկություններին։
